Qazaqstandaǵy sheteldik kompaniialar "Google salyǵy" boiynsha Qazaqstan biýdjetine 3 milliard teńge tóledi. Bul týraly Qarjy ministrliginiń Memlekettik kirister komiteti habarlady, - dep habarlaidy Tengrinews.kz.
Jyl basynan beri Jelide qyzmet kórsetetin sheteldik kompaniialar, sondai-aq internet arqyly jeke tulǵalarǵa taýar satatyn sheteldik saýda alańdary (marketpleister) QQS ("Google salyǵy") tóleýi tiis.
"Bul salyq jańalyq emes, ol álemniń kóptegen elinde qoldanylady, mysaly Frantsiiada - 2017 jyldan, Ulybritaniiada - 2020 jyldan, Italiiada - 2021 jyldan, Túrkiiada 2020 jyldan bastap. Bul salyqty TMD elderinde de, Reseide - 2017 jyldan, Belarýste - 2018 jyldan, Ózbekstanda 2021 jyldan bastap qoldanady. (...)
Bizdiń azamattar bul salyqty tólemeidi. Salyqty sheteldik internet-kompaniialar tóleidi", - dedi Memlekettik kirister komitetindegiler.
Salyqty turaqty tólemeitinderge qatysty mynadai sharalar qoldanylady:
- salyqtan jaltarǵan sheteldik internet-kompaniialar ataýyn buqaralyq aqparat quraldarynda jariialaý;
- salyqty turaqty tólemeitinder týraly sheteldik salyq basqarmasyna hat joldaý;
- salyqtan jaltarý áreketi jalǵassa kompaniia resýrstaryna qoljetkizýdi shekteýge nemese tolyǵymen tyiym salynýy múmkin.
"2022 jylǵy 11 tamyzdaǵy jaǵdai boiynsha Qazaqstan biýdjetine "Google-ǵa salyq" túrinde barlyǵy 3 milliard teńge tústi", - dep tolyqtyrdy MKD ókilderi.
