قازاقستانداعى شەتەلدٸك كومپانييالار "Google سالىعى" بويىنشا قازاقستان بيۋدجەتٸنە 3 ميلليارد تەڭگە تٶلەدٸ. بۇل تۋرالى قارجى مينيسترلٸگٸنٸڭ مەملەكەتتٸك كٸرٸستەر كوميتەتٸ حابارلادى, - دەپ حابارلايدى Tengrinews.kz.
جىل باسىنان بەرٸ جەلٸدە قىزمەت كٶرسەتەتٸن شەتەلدٸك كومپانييالار, سونداي-اق ينتەرنەت ارقىلى جەكە تۇلعالارعا تاۋار ساتاتىن شەتەلدٸك ساۋدا الاڭدارى (ماركەتپلەيستەر) ققس ("Google سالىعى") تٶلەۋٸ تيٸس.
"بۇل سالىق جاڭالىق ەمەس, ول ەلەمنٸڭ كٶپتەگەن ەلٸندە قولدانىلادى, مىسالى فرانتسييادا - 2017 جىلدان, ۇلىبريتانييادا - 2020 جىلدان, يتالييادا - 2021 جىلدان, تٷركييادا 2020 جىلدان باستاپ. بۇل سالىقتى تمد ەلدەرٸندە دە, رەسەيدە - 2017 جىلدان, بەلارۋستە - 2018 جىلدان, ٶزبەكستاندا 2021 جىلدان باستاپ قولدانادى. (...)
بٸزدٸڭ ازاماتتار بۇل سالىقتى تٶلەمەيدٸ. سالىقتى شەتەلدٸك ينتەرنەت-كومپانييالار تٶلەيدٸ", - دەدٸ مەملەكەتتٸك كٸرٸستەر كوميتەتٸندەگٸلەر.
سالىقتى تۇراقتى تٶلەمەيتٸندەرگە قاتىستى مىناداي شارالار قولدانىلادى:
- سالىقتان جالتارعان شەتەلدٸك ينتەرنەت-كومپانييالار اتاۋىن بۇقارالىق اقپارات قۇرالدارىندا جارييالاۋ;
- سالىقتى تۇراقتى تٶلەمەيتٸندەر تۋرالى شەتەلدٸك سالىق باسقارماسىنا حات جولداۋ;
- سالىقتان جالتارۋ ەرەكەتٸ جالعاسسا كومپانييا رەسۋرستارىنا قولجەتكٸزۋدٸ شەكتەۋگە نەمەسە تولىعىمەن تىيىم سالىنۋى مٷمكٸن.
"2022 جىلعى 11 تامىزداعى جاعداي بويىنشا قازاقستان بيۋدجەتٸنە "Google-عا سالىق" تٷرٸندە بارلىعى 3 ميلليارد تەڭگە تٷستٸ", - دەپ تولىقتىردى مكد ٶكٸلدەرٸ.
