Parlament Qazaqstanǵa 1 qyrkúiekke deiin ákelingen kólikterdi zańdastyrý úshin bastapqy tirkeý retinde tólem qunyn belgileýdi kózdeitin salyq kodeksine túzetýler engizdi, - dep habarlaidy "Ult aqparat".
Endi sheteldik avtokólikti burynǵydai milliondaǵan somaǵa emes, 200 myń teńge bastapqy esepke qoiýǵa bolady. Qoiylatyn jalǵyz shart – kólik 2022 jyldyń 1 qyrkúiegine deiin elge kelgen bolýy kerek. Qazaqstan Prezidenti óz Joldaýynda qazaqstandyqtarǵa óz kólikterin zańdastyrý quqyǵyn berý týraly dál osy kúni tapsyrma bergen bolatyn.
Senat zań qabyldady, ol Memleket basshysyna qol qoiýǵa jiberilgen.
Bul zańda kásipkerlerge de jaǵymdy jańalyqtar bar. Onda olardyń salyq júktemesin azaitý týraly aitylǵan. Mysaly, eger qazir shaǵyn jáne orta biznes eńbekaqy tóleý qorynyń 34,5%-yn tóleýi tiis bolsa, kelesi jyldan bastap olar biryńǵai tólemdi óz erkimen tólei alady. Bul is júzinde 2 ese az – 20% bolady, biraq 2028 jylǵa qarai 26,3%-ǵa deiin birtindep ósedi.
Birqatar túzetýler azyq-túlik taýarlarynyń baǵasyna da oń áser etýi kerek. Qant, konditerlik ónimder men ashytqy óndirýshiler úshin qosylǵan qun salyǵynyń somasy 70%-ǵa azaiady, al qant shikizatyn importtaýshylar QQS tóleýden tolyǵymen bosatylady. Sondai-aq, balyq óńdeýmen ainalysatyn kásipkerlerge QQS tólemi 70%-ǵa tómendeidi.
«Qabyldanǵan zań investitsiia tartýǵa jáne biznes-ortany damytýǵa qosymsha quqyqtyq jaǵdai qalyptastyrady. Atap aitqanda, jekelegen salalarda qosylǵan qun salyǵy boiynsha jeńildikter berý arqyly óndiristi yntalandyrý kózdelip otyr. Jańa normalar eńbekaqy qoryna júktemeni azaitýǵa múmkindik beredi. Bul – Memleket basshysynyń tapsyrmasyn iske asyrýǵa arnalǵan shara. Aldaǵy ýaqytta osy zań halyqqa jáne bizneske kórsetiletin qyzmetterdiń sapasy men deńgeiin kóterýge múmkindik beredi dep senemiz», – dedi zań jóninde pikir bildirgen Máýlen Áshimbaev.
