tengrinews.kz
Vedomstvo málimetinshe, zańdastyrý aiasynda Qazaqstanda 304 myńnan asa avtokólik tirkelse, onyń 21 myńy avtokonstrýktorlar, 55 myń avtokólik ýaqytsha tirkeýge qoiylǵan.
"Zańdastyrylmaǵan sheteldik kólikterge keletin bolsaq, olar tehnikalyq jáne ekologiialyq talaptarǵa sai bolsa, barlyq qajetti alymdy tólei otyryp, ádettegi tártipte tirkelýi kerek. Sonymen qatar, kólik ielerine belgilengen tártippen tirkelmegen kólikterdi paidalaný ákimshilik jaýapkershilikke ákep soǵatynyn eske salamyz", - dedi IIM ókilderi.
Qazaqstanda sheteldik kólikterdi zańdastyrý byltyrǵy qańtarda bastalǵan. Ótinishter shildege deiin qabyldanyp, 2023 jyldyń aiaǵyna deiin qaraldy. Osy ýaqyt ishinde kólik ieleri 200 myń teńge ýtilalym jáne tirkeý somasyn tólep, kólikterin tirkei aldy. Politseiler 2022 jyldyń 1 qyrkúiegine deiin elimizge ákelingen kólikterdi tirkedi.
IIM aktsiianyń bir rettik shara ekenin, zańdastyrý merzimin uzartý josparda joq ekenin basa aitty.
