Sheteldik investorǵa Qazaqstanda barlyq jaǵdai jasalǵandyǵyn túsindiretin adam joq. Bul týraly búgin Úkimettiń keńeitilgen májilisinde QR Prezidenti Nursultan Nazarbaev aitty, dep habarlaidy Ult.kz tilshisi QazAqparat agenttigine silteme jasap.
«Keiin bul jaiynda taǵy da aitarmyz. Tiisti Jarlyqqa men qol qoidym. Ministrlikterdiń arasynda qai salany kimge berý kerektigin anyqtadyq. Solai ǵoi. Meniń byltyr jazda bergen tapsyrmam bar. Eksportqa, investitsiiaǵa kim jaýap beredi degende sen basqaratyn ministrlik dep aittyq. Sol ne bolyp jatyr? Óziń de barlyq elderdiń biznes kapitandarymen kezdesýlerime qatysasyń ǵoi. Taiaýda ózińmen Saýd Arabiiasynda, Ámirlikterde boldyq. Bul eldiń eń iri biznesmenderimen kezdestik. Onyń aldynda Japoniiada, Ońtústik Koreiada, Amerikada boldyq. Ár ýaqytta olar Qazaqstanǵa qyzyǵýshylyq tanytady. Biraq, olar osy jerge kelgen kezde kezdesetin eshkim joq. Eshkim máselelerin sheshpeidi. Anda barady, mynda barady da qaityp ketedi. Bizdiń balalarymyz qaida oqidy, qaida emdeledi deidi. Ne isteýimiz kerek? Olarǵa Qazaqstanda barlyq jaǵdai bar ekendigin aitatyn adam joq. Investitsiia tartýmen kim ainalysady?», - dep surady Elbasy Investitsiialar jáne damý ministri Jeńis Qasymbekten.
Ministr munymen ainalysatyn Shetel investitsiiasy jónindegi komitet bar ekendigin aitty.
«Qazir biz Qazaqstandaǵy investitsiiany damytý strategiiasyn ázirlep jatyrmyz. Búginde biz «bir tereze» aiqyndap, Úkimetten árbir investormen kelissózder júrgizetinderdi belgiledik. Ol - «Qazaqinvest» ulttyq kompaniiasy. Direktorlar keńesin ózińizdiń tapsyrmańyzben Premer-Ministr basqarady. Jumysynda álemniń úzdik tájiribelerin qoldanamyz», - dedi ministr.
«Bul - seniń jumysyń. Maǵan keregi - investorlardyń Qazaqstan ózgerdi, baramyz deýi. Bul - birinshi. Ekinshi eksportpen kim shuǵyldanady?», - dedi Elbasy.
«Biz Eksport jónindegi departament quramyz», - dedi Qasymbek.
«Qashanǵa deiin qurmaqsyńdar?», - dedi QR Prezidenti Úkimet basshysy Baqytjan Saǵyntaevqa qarata.
«Nursultan Ábishuly, ózińiz atap ótkendei, Jarlyǵyńyzǵa sáikes ókilettiktiń barlyǵy osy ministrlikke (Investitsiialar jáne damý ministrligine) berildi. Soǵan bailanysty ministrlikte qurylymdyq ózgerister oryn alýda», - dep túsindirdi Saǵyntaev.
.jpeg)