Foto: QR Parlamentiniń Senaty
Senator Andrei Lýkin óziniń depýtattyq saýalynda biznes-immigranttardyń qarjylyq buzýshylyqtary men qaryzdary týraly aity, dep habarlaidy El.kz aqparat agenttigi.
"Biznes-immigranttardyń vizasyz 198 kompaniiasynda 4 mlrd teńge bereshegi bar. 1,5 myńnan astam kompaniia tirkeý ornynda joq jáne 2 myńǵa jýyq firma jumys istemeidi. Bul - tolyq derek emes. Memlekettik kirister organdary zańdy tulǵany qurý kezinde zańnamalyq buzýshylyqtarǵa jol berýine bailanysty ony taratý jolymen talap qoiýǵa quqyly. Zańdy tulǵany qurǵan sheteldiktiń biznes-immigrant vizasyn almaýy osyndai buzýshylyqtyń biri bolyp tabylady. Alaida, respýblikalyq mańyzy bar oblystar men qalalarda belgilengen zańdy tulǵanyń memlekettik tirkeýden ótýin taný sharalary jalpyǵa birdei qolǵa alynbaǵan", - dedi senator.
Halyqqa qyzmet kórsetý ortalyǵy qyzmetkerleri sheteldikterdiń biznes-immigrant vizasy bolmasa da, zańdy tulǵany tirkeýden ótkizýdi jalǵastyrý faktileri qiyndyq týǵyzyp otyr. Oǵan salalyq normativtik aktilerden bas tartý úshin negizderdiń bolmaýy sebep bolyp otyr.
"Qalyptasqan jaǵdai sheteldik azamattardyń kúmándi zańdy tulǵa qurýyna yqpal etedi, olar keiinnen qarjysyn kóleńkeli ainalymǵa shyǵarý shemalarynda qoldanýy ábden múmkin. Osyǵan bailanysty, biznes-immigranttarǵa salyq salý jáne kóshi-qon máseleleri boiynsha vedomstvolyq baqylaýdy kúsheitýdi, búkil el boiynsha biznes-immigranttardyń tikelei qatysýymen salyq tólemderi men zańdy qyzmet júrgizý turǵysynda kompaniialar men firmalarǵa aýditorlyq tekserýler júrgizýdi, sondai-aq biznes-immigranttarmen quqyqtyq qatynastardy retteý tetigin jetildirý jóninde zańnamalyq túzetýlerge bastamashylyq jasaýdy usynamyn", - dedi depýtat.
