sýret ashyq derekkózden alyndy
Ishki ister ministrligi 23 qańtardan bastap basqa memlekettik organdarmen birlesip, elimizge 2022 jyldyń 1 qyrkúiegine deiin ákelingen sheteldik avtokólikterdi zańdastyrýdy júrgizip jatyr, – dep habarlaidy "Ult aqparat" Polisia.kz portalyna silteme jasap.
16 maýsymdaǵy jaǵdai boiynsha 161 myń avtokólik zańdastyrylyp, taǵy 13 myńnan astamy tirkeýdi kútip otyr. Sondai-aq 22 mamyrdan beri 7 myńǵa jýyq avtokólik-konstrýktor qazaqstandyq esepke qoiylǵan.
"Ózderińiz biletindei, zańdastyrý aiaqtalǵanǵa deiin eki apta qaldy (1 shildege deiin). Kóp azamat óz kólikterin zańdastyrýǵa úlgermei qalýymyz múmkin degen alańdaýshylyq bildirip jatyr. Osyǵan bailanysty 1 shildege deiin ótinim bergen Qazaqstannyń barlyq azamatyna kórsetilgen merzimnen keiin avtokólikterdi zańdastyrý quqyǵy beriletinin habarlaǵym keledi.
Budan basqa Eýraziialyq ekonomikalyq odaq elderinde burynǵy tirkelgen jeri boiynsha esepten shyǵarylmaǵan jáne osy sebepti zańdastyrylmaǵan avtokólikterge keletin bolsaq, atalǵan kólik ielerine olardy Qazaqstan Respýblikasynda 5 jyl merzimge ýaqytsha esepke qoiý quqyǵy beriledi.
1 shildeden bastap zańdastyrýǵa ótinimderdi qabyldaý toqtatylatynyn jáne zańdastyrý merzimi uzartylmaitynyn eskertemiz. Odan keiin sheteldik esepte turǵan avtokólikterdi Qazaqstan Respýblikasynyń zań talaptaryn buzyp paidalanýdy jalǵastyrǵan azamattarǵa tiisti sharalar qabyldanady, – dedi QR IIM ÁPK tóraǵasy Qaisar Sultanbaev.
