15 qańtar kúni Qazaqstan aýmaǵyna Qytai, BAÁ, Mysyr, Túrkiia, Grýziia, Belarýs jáne Ózbekstan elderinen 12 halyqaralyq áýe reisi ushyp keldi, dep habarlaidy "Ult aqparat".
QR Densaýlyq saqtaý ministrligi Sanitariialyq-epidemiologiialyq baqylaý komitetiniń málimetinshe, bir táýlikte barlyǵy 1 941 jolaýshy ushyp kelgen. Onyń 1 725-inde koronavirýsqa PTR-testileýdiń teris nátijesi bar anyqtama bolǵan. 216 azamat PTR-anyqtamasyz kelgen, barlyǵy – QR azamattary.
Atap aitqanda:
Almaty qalasynyń áýejaiyna – shetelden barlyǵy 6 reis qondy, 1 169 jolaýshy, onyń ishinde anyqtamamen – 1 042, anyqtamasyz - 127;
Nur-Sultan qalasynyń áýejaiyna – 5 reis, 739 jolaýshy, anyqtamamen - 650, anyqtamasyz - 89;
Aqtaý qalasynyń áýejaiyna – 1 reis, 33 jolaýshy anyqtamamen kelgen.
«Anyqtamasy bolmaǵan Qazaqstan azamattary kelgen jerleri boiynsha COVID-19-ǵa PTR-taldaý ádisimen testilendi jáne karantindik statsionarlarda óz nátijelerin kútýde», - delingen aqparatta.
Sondai-aq málim etilgendei, 14 qańtar kúni shetelden PTR-anyqtamasyz ushyp kelgen QR azamattarynyń test nátijeleri belgili boldy. Oǵan sáikes, «Sharm-el-Sheih – Nur-Sultan» reisiniń – 1, «Dýbai – Almaty» reisiniń 2 jolaýshysynan koronavirýs anyqtaldy.
