Qazaqstanǵa ushaqpen kelgen 276 jolaýshy PTR anyqtamasy bolmaǵandyqtan karantinge jatqyzyldy. Bul týraly QR Kóliktegi bas memlekettik sanitar dárigeri Sadýaqas Baiǵabylov aitty, dep habarlaidy "Ult aqparat".
«Osy jyldyń 17 qazan kúni túnde 16 áýe reisimen kelgen 1 527 jolaýshynyń 1 251-i anyqtamamen, 276-sy anyqtamasyz jetti. Onyń ishinde Nur-Sultan qalasyna 6 reispen kelgen 656 jolaýshynyń 528-inde anyqtama boldy, 128-inde anyqtama bolmady. Almaty qalasyna 9 reispen kelgen 764 jolaýshynyń 622-sinde anyqtama bolsa, 142-sinde anyqtama joq bolyp shyqty. Al Aqtaýǵa 1 reispen 107 jolaýshy keldi. Jolaýshylardyń 101-inde anyqtama bar, altaýynda joq», - dedi ol.
Onyń dereginshe, ushyp kelgen Qazaqstan azamattarynyń 82 paiyzy PTR anyqtamamen saparǵa shyqqan.
«COVID-19-ǵa arnalǵan PTR anyqtamasy joq Qazaqstan azamattary PTR test tapsyrý úshin eki kúndik karantinge ornalastyryldy», - dedi Sadýaqas Baiǵabylov.
