قازاقستانعا ۇشاقپەن كەلگەن 276 جولاۋشى پتر انىقتاماسى بولماعاندىقتان كارانتينگە جاتقىزىلدى. بۇل تۋرالى قر كٶلٸكتەگٸ باس مەملەكەتتٸك سانيتار دەرٸگەرٸ سادۋاقاس بايعابىلوۆ ايتتى, دەپ حابارلايدى "ۇلت اقپارات".
«وسى جىلدىڭ 17 قازان كٷنٸ تٷندە 16 ەۋە رەيسٸمەن كەلگەن 1 527 جولاۋشىنىڭ 1 251-ٸ انىقتامامەن, 276-سى انىقتاماسىز جەتتٸ. ونىڭ ٸشٸندە نۇر-سۇلتان قالاسىنا 6 رەيسپەن كەلگەن 656 جولاۋشىنىڭ 528-ٸندە انىقتاما بولدى, 128-ٸندە انىقتاما بولمادى. الماتى قالاسىنا 9 رەيسپەن كەلگەن 764 جولاۋشىنىڭ 622-سٸندە انىقتاما بولسا, 142-سٸندە انىقتاما جوق بولىپ شىقتى. ال اقتاۋعا 1 رەيسپەن 107 جولاۋشى كەلدٸ. جولاۋشىلاردىڭ 101-ٸندە انىقتاما بار, التاۋىندا جوق», - دەدٸ ول.
ونىڭ دەرەگٸنشە, ۇشىپ كەلگەن قازاقستان ازاماتتارىنىڭ 82 پايىزى پتر انىقتامامەن ساپارعا شىققان.
«COVID-19-عا ارنالعان پتر انىقتاماسى جوق قازاقستان ازاماتتارى پتر تەست تاپسىرۋ ٷشٸن ەكٸ كٷندٸك كارانتينگە ورنالاستىرىلدى», - دەدٸ سادۋاقاس بايعابىلوۆ.
