Sýret: Pexels
Shekaradan qaterli azyq-túlikti ótkizbeýge Aýyl sharýashylyǵy ministrligi agroónerkásip keshenindegi memlekettik inspektsiia komiteti jaýapty. Biyl komitet Túrkistan oblysynda osyndai zararly 60 tonna ónimdi anyqtaǵan, dep habarlaidy "Ult aqparat" Kazinform-ǵa silteme jasap.
Biyl Túrkistan oblysyndaǵy qazaq-ózbek shekarasy arqyly shet memleketterden 1 075 avtokólikke tielgen 15 637,802 tonna qyzanaq ónimi importtalǵan.
Al fitosanitariia talabyna (fitosanitariialyq sertifikaty joq, tańbasy joq) sai kelmeitin 8 kólikke tielgen 29,522 tonna qyzanaq ónimi óz eline keri qaitarylǵan.
Sonymen qatar, ónimniń jasyryn zarar juqtyrǵanyn anyqtaý maqsatynda shetelden ákelingen qyzanaq, baialdy, tátti buryshtyń árbir partiiasyna tiisti karantindik fitosanitariia saraptamasy (PTR) jasalǵan.
Nátijesinde Túrikmenstan Respýblikasynan ákelingen — 56,1 tonna, Ózbekstan Respýblikasynan — 4,2 tonna qyzanaqtan «qyzanaq jemisiniń qońyr qatparly virýsy» tabylǵan.
Ónimderdi kirgizýge tyiym salynyp, kelgen jaǵyna qaitaryldy.
Budan bólek, jyl basynan beri fitosanitariialyq baqylaý beketterinde talapqa sai kelmeitin 497,624 tonna karantinge jatqyzylǵan ónim keri qaitarylǵan.
