Biyl tuǵysh ret 733 qandas talapker UBT onlain tapsyrdy. Bul týraly "Ult aqparat" «Otandastar qoryna» silteme jasap habarlaidy.
«Otandastar qory» juqpaly indet saldarynan shetelden kele almai qalǵan jastardyń ótinshi boiynsha UBT onlain ótkizý bastamasyn osydan úsh ai buryn kótergen bolatyn.
Bilim jáne ǵylym, Syrtqy ister ministrlikteriniń, Ulttyq testileý ortalyǵynyń qoldaýymen, QR aýmaǵynda koronovirýstyq infektsiianyń taralýyna jol bermeý jónindegi vedomstvoaralyq komissiia otyrysynda sheteldegi qandas jastarǵa UBT «Onlain» ótkizý sheshimi qabyldandy.
Bilim jáne ǵylym ministrligi tarapynan talapkerlerdi ulttyq birińǵai testileýge daiarlaityn daiyndyq bólimine 2018-2019 jyly 992, 2019-2020 jyly 1300, 2020-2021 jylǵa 1300 oryn bólingen. Jyl saiyn qandastardy qabyldaýǵa arnalǵan kvota 2%-dan, 4%-ǵa ósti. 2020 jyly UBT tapsyrýǵa 2025 qandasymyzdan ótinish tústi.
Qandas talapker jastardyń basym bóligi UBT el ishinde tapsyrdy. Elge kele almaǵan qandas talapkerlerdiń onlain test tapsyrýyna atsalysqan barsha mamandardyń qyzmetine rizashylyǵymdy bildiremin», - deidi «Otandastar qorynyń» vitse-prezidenti Maǵaýiia Sarbasov.
