بيىل تۇعىش رەت 733 قانداس تالاپكەر ۇبت ونلاين تاپسىردى. بۇل تۋرالى "ۇلت اقپارات" «وتانداستار قورىنا» سٸلتەمە جاساپ حابارلايدى.
«وتانداستار قورى» جۇقپالى ٸندەت سالدارىنان شەتەلدەن كەلە الماي قالعان جاستاردىڭ ٶتٸنشٸ بويىنشا ۇبت ونلاين ٶتكٸزۋ باستاماسىن وسىدان ٷش اي بۇرىن كٶتەرگەن بولاتىن.
بٸلٸم جەنە عىلىم, سىرتقى ٸستەر مينيسترلٸكتەرٸنٸڭ, ۇلتتىق تەستٸلەۋ ورتالىعىنىڭ قولداۋىمەن, قر اۋماعىندا كورونوۆيرۋستىق ينفەكتسييانىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييا وتىرىسىندا شەتەلدەگٸ قانداس جاستارعا ۇبت «ونلاين» ٶتكٸزۋ شەشٸمٸ قابىلداندى.
بٸلٸم جەنە عىلىم مينيسترلٸگٸ تاراپىنان تالاپكەرلەردٸ ۇلتتىق بٸرٸڭعاي تەستٸلەۋگە دايارلايتىن دايىندىق بٶلٸمٸنە 2018-2019 جىلى 992, 2019-2020 جىلى 1300, 2020-2021 جىلعا 1300 ورىن بٶلٸنگەن. جىل سايىن قانداستاردى قابىلداۋعا ارنالعان كۆوتا 2%-دان, 4%-عا ٶستٸ. 2020 جىلى ۇبت تاپسىرۋعا 2025 قانداسىمىزدان ٶتٸنٸش تٷستٸ.
قانداس تالاپكەر جاستاردىڭ باسىم بٶلٸگٸ ۇبت ەل ٸشٸندە تاپسىردى. ەلگە كەلە الماعان قانداس تالاپكەرلەردٸڭ ونلاين تەست تاپسىرۋىنا اتسالىسقان بارشا مامانداردىڭ قىزمەتٸنە ريزاشىلىعىمدى بٸلدٸرەمٸن», - دەيدٸ «وتانداستار قورىنىڭ» ۆيتسە-پرەزيدەنتٸ ماعاۋييا سارباسوۆ.
