Foto: ashyq derekkóz
Bloger Erbol Mándibek shetelde jumys isteý qazaqqa mindetti túrde bailyq ákelmeitinin aityp, otandastardy óz elinde eńbektenýge shaqyrdy. Onyń aitýynsha, kópshilik shetelde qulpynai terip, ydys jýýdy namys kórmeidi, biraq dál sondai qara jumysty Qazaqstanda istegisi kelmeidi, dep habarlaidy Ult.kz.
Mándibektiń aitýynsha, shetelde tapqan qarajattyń basym bóligi turmysqa ketedi, sondyqtan qolda qalatyny shamamen 300 myń teńgeniń ainalasy.
"Eýropalyq infliatsiiamen eseptep qarasań aqshasynyń aiyrmashylyǵy kóp emes. Mysaly men jumyssyz qalǵanda qarap jatpai taksi boldym, tamaq tasýshy boldym, tipti júk te túsirdim. Jap-jaqsy tabys taptym. Ortasha eseppen aiyna 400-450 myń tabys boldy", - deidi ol.
Osydan keiin bloger enbek.kz elektrondy eńbek birjasyndaǵy bos oryndar týraly málimetterdi usyndy:
"Mysaly, qazirgi naryqta 500-600 myń ailyq usynyp, jumysshy tappai otyrǵan salalar jetkilikti. enbek.kz elektrondy eńbek birjasynda ailyǵy 980 myńǵa deiin jetetin 36 myń bos jumys orny bar eken. Sonyń 4 myńǵa jýyq vakansiiasynyń ailyǵy 350 myńnan bastalady eken", - dep jazdy Mánidbek.
Suranysqa ie jumysshy mamandyqtar (Ulttyq statistika biýrosy):
-
Avtobýs júrgizýshisi – 400–600 myń tg
-
Qaptaýshy/fasovshik – 400–650 myń tg
-
Arnaiy tehnika mashinisti – 400–700 myń tg
-
Traktor júrgizýshisi – 350–450 myń tg
-
Dánekerleýshi – 350 myń tg-den joǵary
Bul jumys oryndary tek Astana men Almatyda ǵana emes, Qostanai, Qaraǵandy, Mańǵystaý siiaqty óńirlerde de 3 myńnan astam bos orynǵa mamandar jetispeidi.
Erbol Mándibektiń aitýynsha, bul mamandyqtarǵa tórt jyl oqityn joǵary bilimniń qajeti joq. Arnaiy kýrsty oqyp, birden jumysqa kirisýge bolady. Tipti memleket bul kýrstardy tegin usynady, tek jumyssyz retinde tirkelý jetkilikti.
«Shetelde tapqanyń sol eldegi páteraqy men tamaqqa ketedi. Al óz aimaǵyńda tehnikalyq mamandyq meńgerip, 500–600 myń teńge tapsań – ári tabys, ári otbasyńnyń qasyndasyń. Bastysy – Otanyndasyń», – dep túiindedi bloger.
Erbol Mándibek qazaqstandyqtardy jalǵan namystan arylyp, el ishinde de laiyqty jalaqymen jumys tabýǵa bolatynyn eske saldy.
