Memlekettik kirister komiteti shetel valiýtasyn shekaradan shyǵarýǵa salynǵan tyiymdy buzǵan jaǵdaida jaýapkershilik qarastyrylǵanyn eskertti, - dep habarlaidy Tengrinews.kz tilshisi komitettiń baspasóz qyzmetine silteme jasap.
"Memlekettik shekaradan ótý kezinde kidiristerge jol bermeý úshin qolma-qol aqshany aldyn ala eseptep shyǵýǵa keńes berildi. Qolma-qol aqsha men sheteldik valiýtadaǵy aqsha quraldary somasynyń balamasy Qazaqstan Respýblikasy Ulttyq bankiniń baǵamy boiynsha 10 000 (on myń) AQSh dollarynan aspaýy qajet", - delingen habarlamada.
Sondai-aq, Qazaqstan Respýblikasynyń Ulttyq banki shyǵaratyn affinirlengen altynnyń 5, 10, 20, 50 jáne 100 gramm altyn quimalary jáne ALTYN BARYS altynynan jáne KÚMIS BARYS kúmisinen jasalǵan investitsiialyq monetalardyń, sondai-aq 100 gramnan asatyn affinirlengen altyndy ózimen birge (bagajda) alyp ketýge bolmaidy.
