Foto: Polisia.kz
Sheteldik azamat sintetikalyq esirtki taratqany úshin 10 jylǵa bas bostandyǵynan aiyryldy, – dep habarlaidy Polisia.kz.
"Maýsym aiynda jedel-izdestirý is-sharalaryn júrgizý kezinde Aqtóbe stantsiiasyndaǵy jelilik politsiia bóliminiń qyzmetkerleri Ózbekstannyń 25 jastaǵy azamatyn anyqtap, ustady. Jeke tintý barysynda odan jalpy salmaǵy 4,88 gramm mefedron esirtki zaty salynǵan 11 býma tabylyp, tárkilendi.
Kólik politseileri onyń esirtkini jasyryp qoiyp ketýshi bolyp jumys istegenin, Telegram-chattaǵy top basshysynan esirtki zattary jasyrylǵan jerdiń koordinattaryn alyp, olardy ary qarai Aqtóbe qalasy boiynsha taratyp júrgenin anyqtady", - delingen habarlamada.
Sotqa deiingi tergep-tekserý QR Qylmystyq Kodeksiniń 297-baby (Asa iri mólsherde esirtki, psihotroptyq zattardy, sol tektesterdi ótkizý maqsatynda zańsyz saqtaý, tasymaldaý) boiynsha júrgizilgen.
"Aqtóbe oblysynyń qylmystyq ister jónindegi mamandandyrylǵan aýdanaralyq sotynyń úkimimen Ózbekstan Respýblikasynyń azamaty qylmys jasaǵany úshin kináli dep tanylyp, oǵan 10 jyl merzimge bas bostandyǵynan aiyrý jazasy taǵaiyndaldy", - delingen habarlamada.
