فوتو: Polisia.kz
شەتەلدٸك ازامات سينتەتيكالىق ەسٸرتكٸ تاراتقانى ٷشٸن 10 جىلعا باس بوستاندىعىنان ايىرىلدى, – دەپ حابارلايدى Polisia.kz.
"ماۋسىم ايىندا جەدەل-ٸزدەستٸرۋ ٸس-شارالارىن جٷرگٸزۋ كەزٸندە اقتٶبە ستانتسيياسىنداعى جەلٸلٸك پوليتسييا بٶلٸمٸنٸڭ قىزمەتكەرلەرٸ ٶزبەكستاننىڭ 25 جاستاعى ازاماتىن انىقتاپ, ۇستادى. جەكە تٸنتۋ بارىسىندا ودان جالپى سالماعى 4,88 گرامم مەفەدرون ەسٸرتكٸ زاتى سالىنعان 11 بۋما تابىلىپ, تەركٸلەندٸ.
كٶلٸك پوليتسەيلەرٸ ونىڭ ەسٸرتكٸنٸ جاسىرىپ قويىپ كەتۋشٸ بولىپ جۇمىس ٸستەگەنٸن, Telegram-چاتتاعى توپ باسشىسىنان ەسٸرتكٸ زاتتارى جاسىرىلعان جەردٸڭ كوورديناتتارىن الىپ, ولاردى ارى قاراي اقتٶبە قالاسى بويىنشا تاراتىپ جٷرگەنٸن انىقتادى", - دەلٸنگەن حابارلامادا.
سوتقا دەيٸنگٸ تەرگەپ-تەكسەرۋ قر قىلمىستىق كودەكسٸنٸڭ 297-بابى (اسا ٸرٸ مٶلشەردە ەسٸرتكٸ, پسيحوتروپتىق زاتتاردى, سول تەكتەستەردٸ ٶتكٸزۋ ماقساتىندا زاڭسىز ساقتاۋ, تاسىمالداۋ) بويىنشا جٷرگٸزٸلگەن.
"اقتٶبە وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ ٷكٸمٸمەن ٶزبەكستان رەسپۋبليكاسىنىڭ ازاماتى قىلمىس جاساعانى ٷشٸن كٸنەلٸ دەپ تانىلىپ, وعان 10 جىل مەرزٸمگە باس بوستاندىعىنان ايىرۋ جازاسى تاعايىندالدى", - دەلٸنگەن حابارلامادا.
