Foto: Qoishybek Múbarak
Almaty oblysynyń ákimi Marat Sultanǵaziev Sherzat Bolattyń otbasyna kómek kórsetý maqsatynda demeýshilerdiń qoldaýymen úi salyp berý máselesi qaralyp jatqanyn málimdedi. Bul týraly ákim Ortalyq kommýnikatsiialar qyzmetinde ótken baspasóz máslihatynda aitty, -dep habarlaidy ult.kz.
Ákimniń aitýynsha, jergilikti ákimdikter men oblystyq qurylymdar marqumnyń otbasymen tyǵyz bailanysta jumys isteýde. Memlekettik emes uiymdar men metsenattar arqyly tiisti kómek kórsetilgenin de atap ótti.
"Qazir metsenattar men demeýshilerimiz úi salýǵa daiyn. Eger maquldansa, jumysqa kirisýge daiynbyz. Qazir biz olarǵa kómek usyndyq. Qysta úidiń tiisti qujattaryn daiyndap alaiyq", – dedi ákim.
Sherzat Bolat 2023 jylǵy 4 qazanǵa qaraǵan túni Talǵar qalasynda bolǵan tóbeleste qaitys boldy. Keiin 12 qazanda onyń otbasy turǵan úi belgisiz bireýler tarapynan órtelip, úlken qaiǵyǵa ushyrady. Bul oqiǵa boiynsha politsiia bes bappen qylmystyq is qozǵap, 11 kúdiktini ustady.
Qazirgi tańda otbasyǵa qoldaý kórsetý jumystary jalǵasyp jatyr, onyń ishinde úi salý máselesi basymdyqta tur.
