فوتو: قويشىبەك مٷباراك
الماتى وبلىسىنىڭ ەكٸمٸ مارات سۇلتانعازيەۆ شەرزات بولاتتىڭ وتباسىنا كٶمەك كٶرسەتۋ ماقساتىندا دەمەۋشٸلەردٸڭ قولداۋىمەن ٷي سالىپ بەرۋ مەسەلەسٸ قارالىپ جاتقانىن مەلٸمدەدٸ. بۇل تۋرالى ەكٸم ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا ايتتى, -دەپ حابارلايدى ult.kz.
ەكٸمنٸڭ ايتۋىنشا, جەرگٸلٸكتٸ ەكٸمدٸكتەر مەن وبلىستىق قۇرىلىمدار مارقۇمنىڭ وتباسىمەن تىعىز بايلانىستا جۇمىس ٸستەۋدە. مەملەكەتتٸك ەمەس ۇيىمدار مەن مەتسەناتتار ارقىلى تيٸستٸ كٶمەك كٶرسەتٸلگەنٸن دە اتاپ ٶتتٸ.
"قازٸر مەتسەناتتار مەن دەمەۋشٸلەرٸمٸز ٷي سالۋعا دايىن. ەگەر ماقۇلدانسا, جۇمىسقا كٸرٸسۋگە دايىنبىز. قازٸر بٸز ولارعا كٶمەك ۇسىندىق. قىستا ٷيدٸڭ تيٸستٸ قۇجاتتارىن دايىنداپ الايىق", – دەدٸ ەكٸم.
شەرزات بولات 2023 جىلعى 4 قازانعا قاراعان تٷنٸ تالعار قالاسىندا بولعان تٶبەلەستە قايتىس بولدى. كەيٸن 12 قازاندا ونىڭ وتباسى تۇرعان ٷي بەلگٸسٸز بٸرەۋلەر تاراپىنان ٶرتەلٸپ, ٷلكەن قايعىعا ۇشىرادى. بۇل وقيعا بويىنشا پوليتسييا بەس باپپەن قىلمىستىق ٸس قوزعاپ, 11 كٷدٸكتٸنٸ ۇستادى.
قازٸرگٸ تاڭدا وتباسىعا قولداۋ كٶرسەتۋ جۇمىستارى جالعاسىپ جاتىر, ونىڭ ٸشٸندە ٷي سالۋ مەسەلەسٸ باسىمدىقتا تۇر.
