Qarapaiymdylyq pen kishipeiildilik – memlekettik qyzmetshiler minez-qulqynyń qaltqysyz qaǵidasyna ainalýy tiis. Bul týraly QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev aitty, dep habarlaidy «Ult aqparat».
«Biz tek shekteý sharalarymen sheneýnikterdiń sán-saltanatqa toly ómirge qumarlyǵyn joia almaitynymyzdy túsinýimiz qajet. Qymbat shipajaida otbasymen sýretke túsý, brend dúkenderden shopping jasaý, qymbat kólik miný – bir sátte áleýmettik jelilerde tarap, halyqtyń zańdy synyna ushyraidy. Dana halqymyz «Ulyq bolsań, kishik bol» dep beker aitpaǵan», - dedi Alik Shpekbaev agenttiktiń alqa otyrysynda.
Onyń paiymynsha, qarapaiymdylyq pen kishipeiildilik – memlekettik qyzmetshilerdiń minez-qulqynyń qaltqysyz qaǵidasyna ainalýy tiis.
«Bul eń aldymen, basshy laýazymdaǵy sheneýnikter men onyń otbasy múshelerine qatysty. Biz barlyq qoǵamdy jumyldyra otyryp, bul baǵytta júieli jumys júrgizýimiz qajet», - dedi agenttik tóraǵasy.
