Quqyqtyq qaqtyǵystardy týdyratyn bulyńǵyr jáne diskretsiialyq tujyrymdar ótken shaqta qalýy tiis. Bul týraly QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev aitty, dep habarlaidy QazAqparat.
«Jańa formatta sybailas jemqorlyqqa qarsy saraptamadan 3,5 myńnan astam NQA jobasy ótti. Bul rette táýelsiz sarapshylardyń kúshimen 7,5 myńnan astam sybailas jemqorlyq olqylyqtary anyqtaldy. Osyǵan orai, ortalyq jáne jergilikti atqarýshy organdardaǵy barlyq áriptesterime aitatynym: sheneýnikterge óz betinshe sheshim qabyldaýǵa múmkindik beretin normalardy eki túrli túsindirýdi paidalaný tájiribesin toqtatý qajet. Quqyqtyq qaqtyǵystardy týdyratyn bulyńǵyr jáne diskretsiialyq tujyrymdar ótken shaqta qalýy tiis. Biz óz tarapymyzdan saraptamanyń tiimdiligin dáiekti túrde arttyratyn bolamyz, sonyń ishinde jasandy intellekti engizý esebinen», - dedi Alik Shpekbaev agenttiktiń alqa otyrysynda.
Onyń aitýynsha, Prezident tapsyrmasyna sáikes barlyq óńirde volonterler men qoǵam belsendileriniń arnaiy toptary 1,5 myń monitoring jasap, 10 myń dárihana, meditsinalyq mekemeler men qoimalardy qamtydy. Gýmanitarlyq kómekti sońǵy alýshyǵa deiin jetkizdi.
«Azǵana ýaqytta «SQ-Farmatsiia» men Meditsinalyq saqtandyrý qorynyń qyzmetindegi jemqorlyq táýekelderine tereń taldaý jasaý – olardyń ishki biznes protsesteriniń barynsha ashylýyna yqpal etti. Pandemiia áli de jalǵasýda. Sondyqtan bizdiń maqsatymyz – koronavirýspen kúreske bólingen biýdjet qarajatyn odan ári qadaǵalaý jáne qoǵamdyq baqylaýǵa azamattardy burynǵydan da kóbirek jumyldyrý» - dedi Alik Shpekbaev.
