Foto:depositphotos.com
Mádeniet jáne sport ministrligi muraǵat isteri jáne qujattama komiteti tóraǵasynyń orynbasary, sondai–aq IT-kompaniianyń direktory "Tsifrlyq Qazaqstan" memlekettik baǵdarlamasyn iske asyrý sheńberinde aqparattyq júieni ázirleýge bólingen 105 million teńgeden astam qarajatty jymqyrǵany úshin sottaldy, - dep habarlaidy «Ult aqparat» QMA málimetine silteme jasap.
Qarajatty jymqyrý "qujattardyń biryńǵai elektrondyq muraǵaty" aqparattyq júiesin tehnikalyq súiemeldeýge biýdjet aqshasyn bólý jáne aýdarý arqyly, kompiýterlik tehnologiialar salasyndaǵy terminologiiany qoldana otyryp, oryndalǵan jumystarǵa qaita qosý arqyly júzege asyrylǵandyǵy anyqtalǵan.
"Bul rette, tehnikalyq erekshelikti buryn merdigerdiń ózi ázirlep, paidalanýǵa engizdi jáne kepildi tehnikalyq súiemeldeý boiynsha mindettemeni qabyldady. Alaida, komitet basshylyǵy oryndalǵan jumystarǵa biýdjet qarajatyn bólip, ony oryndalǵan jumystardyń jalǵan aktileri boiynsha AJ ázirleýshisine qaita aýdardy.
Urlanǵan aqsha qarajaty qylmystyq shyǵý tegin jasyrý jáne zańdy ainalymǵa engizý maqsatynda senimdi tulǵalarǵa resimdelgen qymbat jyljymaly jáne jyljymaityn múlikti satyp alýǵa baǵyttalǵan", - delingen habarlamada.
Sot úkimi boiynsha, sottalýshylardan keltirilgen zalal somasyn óndirip, árqaisysyna 6,5 jylǵa bas bostandyǵynan aiyrý jazasy taǵaiyndalǵan.
"Sonymen qatar, burynǵy memlekettik qyzmetshi memlekettik laýazymdardy atqarý quqyǵynan ómir boiyna jáne memlekettik nagradalardan aiyryldy, al merdiger kompaniianyń basshysy 7 jyl merzimge kommertsiialyq jáne kommertsiialyq emes uiymdarda basshylyq laýazymdardy atqarý quqyǵynan aiyryldy".
Úkim zańdy kúshine engen joq.
