Búgingi tańda shekarany sheteldikter men qazaqstandyqtar kesip ótýge tyiym salynǵan. Bul týraly QR UQK Shekara qyzmetiniń Instagram paraqshasynda karantindik shekteýler kezeńindegi memlekettik shekarany kesip ótý tártibi boiynsha onlain konferentsiiada aityldy, dep habarlaidy QazAqparat.
«Ózderińizge belgili, 51 avtomobildik ótkizý pýnktiniń jiyrmasy ýaqytsha jabyq. Qazaqstan-Qytai shekarasynda 3 ótkizý pýnkti, Qazaqstan-Resei memlekettik shekarasynda 10 ótkizý pýnkti, Qazaqstan-Ózbekstan shekarasynda 2 ótkizý pýnkti, Qazaqstan-Qyrǵyz shekarasynda 5 ótkizý pýnkti jabyq. Búgingi tańda shekarany sheteldikter men qazaqstandyqtar kesip ótýge tyiym salynǵan. Muny bári túsinýi kerek. Degenmen, sheteldegi Qazaqstan azamattary elge esh kedergisiz kele alady. Al karantindik shekteý qoiylǵanǵa deiin Qazaqstanda qalyp qoiǵan sheteldik azamattar Qazaqstannan shyǵa alady», - deidi UQK Shekara qyzmeti Shekaralyq baqylaý departamentiniń orynbasary Oleg Kisenko.
«Qaýipti seiiltý maqsatynda qujatty tekserýdiń jańa ádisin oilap taptyq. Ol ádis ótkizý pýnkterinde qoldanylýda. Adamdarmen az bailanysatyn ádisti qoldaný arqyly durys baqylaý qamtamasyz etildi jáne jeke quramdy aýrý juqtyryp alýdan qorǵadyq. Bul praktika aldaǵy ýaqytta da jalǵasyn tabady», - deidi ol.
