بٷگٸنگٸ تاڭدا شەكارانى شەتەلدٸكتەر مەن قازاقستاندىقتار كەسٸپ ٶتۋگە تىيىم سالىنعان. بۇل تۋرالى قر ۇقك شەكارا قىزمەتٸنٸڭ Instagram پاراقشاسىندا كارانتيندٸك شەكتەۋلەر كەزەڭٸندەگٸ مەملەكەتتٸك شەكارانى كەسٸپ ٶتۋ تەرتٸبٸ بويىنشا ونلاين كونفەرەنتسييادا ايتىلدى, دەپ حابارلايدى قازاقپارات.
«ٶزدەرٸڭٸزگە بەلگٸلٸ, 51 اۆتوموبيلدٸك ٶتكٸزۋ پۋنكتٸنٸڭ جيىرماسى ۋاقىتشا جابىق. قازاقستان-قىتاي شەكاراسىندا 3 ٶتكٸزۋ پۋنكتٸ, قازاقستان-رەسەي مەملەكەتتٸك شەكاراسىندا 10 ٶتكٸزۋ پۋنكتٸ, قازاقستان-ٶزبەكستان شەكاراسىندا 2 ٶتكٸزۋ پۋنكتٸ, قازاقستان-قىرعىز شەكاراسىندا 5 ٶتكٸزۋ پۋنكتٸ جابىق. بٷگٸنگٸ تاڭدا شەكارانى شەتەلدٸكتەر مەن قازاقستاندىقتار كەسٸپ ٶتۋگە تىيىم سالىنعان. مۇنى بەرٸ تٷسٸنۋٸ كەرەك. دەگەنمەن, شەتەلدەگٸ قازاقستان ازاماتتارى ەلگە ەش كەدەرگٸسٸز كەلە الادى. ال كارانتيندٸك شەكتەۋ قويىلعانعا دەيٸن قازاقستاندا قالىپ قويعان شەتەلدٸك ازاماتتار قازاقستاننان شىعا الادى», - دەيدٸ ۇقك شەكارا قىزمەتٸ شەكارالىق باقىلاۋ دەپارتامەنتٸنٸڭ ورىنباسارى ولەگ كيسەنكو.
«قاۋٸپتٸ سەيٸلتۋ ماقساتىندا قۇجاتتى تەكسەرۋدٸڭ جاڭا ەدٸسٸن ويلاپ تاپتىق. ول ەدٸس ٶتكٸزۋ پۋنكتەرٸندە قولدانىلۋدا. ادامدارمەن از بايلانىساتىن ەدٸستٸ قولدانۋ ارقىلى دۇرىس باقىلاۋ قامتاماسىز ەتٸلدٸ جەنە جەكە قۇرامدى اۋرۋ جۇقتىرىپ الۋدان قورعادىق. بۇل پراكتيكا الداعى ۋاقىتتا دا جالعاسىن تابادى», - دەيدٸ ول.
