Foto: Polisia.kz
Jambyl oblysynda zańsyz kóshi-qon arnasyn uiymdastyrdy degen kúdikpen qylmystyq top ustaldy. Bul týraly Polisia.kz habarlady.
Jedel-izdestirý sharalary barysynda Jambyl oblysy politsiia departamentiniń uiymdasqan qylmysqa qarsy kúres basqarmasy UQK Shekara qyzmetiniń jedel bólimshelerimen birlesip, prokýratýranyń úilestirýimen arnaiy operatsiia júrgizgen. Nátijesinde Almaty oblysy men Merki aýdanynyń turǵyndary qolǵa tústi.
Tintý kezinde kúdiktilerden shetel azamattarynyń fotosýretteri, tólqujattary, uialy telefondar, bank kartalary jáne 1 million teńgeden astam qarajat tárkilendi. Sonymen qatar, olardyń Qazaqstannyń memlekettik shekarasyn zańsyz kesip ótýge kómektesken kórshi el azamattarymen bailanysy anyqtalǵan.
Tergeý málimetinshe, top músheleri óz áreketterin aldyn ala kelisip júzege asyrǵan. Olar zańsyz shemany jasyrý úshin aýyl sharýashylyǵy janýarlaryn jaiýdy syltaý etip, shetel azamattaryn shekaradan jasyryn ótkizýdi uiymdastyrǵan.
Atalǵan derek boiynsha Qylmystyq kodekstiń 394-babynyń 2-bóligi (zańsyz kóshi-qondy uiymdastyrý) boiynsha sotqa deiingi tergep-tekserý bastaldy. Kúdiktiler ýaqytsha ustaý izoliatoryna qamalyp, tergeý jalǵasyp jatyr.
