فوتو: Polisia.kz
جامبىل وبلىسىندا زاڭسىز كٶشٸ-قون ارناسىن ۇيىمداستىردى دەگەن كٷدٸكپەن قىلمىستىق توپ ۇستالدى. بۇل تۋرالى Polisia.kz حابارلادى.
جەدەل-ٸزدەستٸرۋ شارالارى بارىسىندا جامبىل وبلىسى پوليتسييا دەپارتامەنتٸنٸڭ ۇيىمداسقان قىلمىسقا قارسى كٷرەس باسقارماسى ۇقك شەكارا قىزمەتٸنٸڭ جەدەل بٶلٸمشەلەرٸمەن بٸرلەسٸپ, پروكۋراتۋرانىڭ ٷيلەستٸرۋٸمەن ارنايى وپەراتسييا جٷرگٸزگەن. نەتيجەسٸندە الماتى وبلىسى مەن مەركٸ اۋدانىنىڭ تۇرعىندارى قولعا تٷستٸ.
تٸنتۋ كەزٸندە كٷدٸكتٸلەردەن شەتەل ازاماتتارىنىڭ فوتوسۋرەتتەرٸ, تٶلقۇجاتتارى, ۇيالى تەلەفوندار, بانك كارتالارى جەنە 1 ميلليون تەڭگەدەن استام قاراجات تەركٸلەندٸ. سونىمەن قاتار, ولاردىڭ قازاقستاننىڭ مەملەكەتتٸك شەكاراسىن زاڭسىز كەسٸپ ٶتۋگە كٶمەكتەسكەن كٶرشٸ ەل ازاماتتارىمەن بايلانىسى انىقتالعان.
تەرگەۋ مەلٸمەتٸنشە, توپ مٷشەلەرٸ ٶز ەرەكەتتەرٸن الدىن الا كەلٸسٸپ جٷزەگە اسىرعان. ولار زاڭسىز سحەمانى جاسىرۋ ٷشٸن اۋىل شارۋاشىلىعى جانۋارلارىن جايۋدى سىلتاۋ ەتٸپ, شەتەل ازاماتتارىن شەكارادان جاسىرىن ٶتكٸزۋدٸ ۇيىمداستىرعان.
اتالعان دەرەك بويىنشا قىلمىستىق كودەكستٸڭ 394-بابىنىڭ 2-بٶلٸگٸ (زاڭسىز كٶشٸ-قوندى ۇيىمداستىرۋ) بويىنشا سوتقا دەيٸنگٸ تەرگەپ-تەكسەرۋ باستالدى. كٷدٸكتٸلەر ۋاقىتشا ۇستاۋ يزولياتورىنا قامالىپ, تەرگەۋ جالعاسىپ جاتىر.
