Osy jyldyń 8 aqpany kúni Qytaidan Qazaq Eline kóship kele jatyp, «Maiqapshaǵai» kedendik baqylaý beketinde 59,900 AQSh dollary kedenshiler tarapynan tárkilengen jesir ana Gúljan Máýithanqyzyna qatysty apellatsiialyq sot otyrys 1-shi maýsym kúni Óskemen qalasynda ótedi, dep habarlaidy Baq.kz.
Baq.kz redaktsiiasynyń baqylaýynda kele jatqan osynaý ókinishti jaǵdai týraly burynnan jazyp, jurt nazaryna usynyp kelemiz.
Kúlli eldiń qarsylyǵyn týdyrǵan bul oqiǵaǵa bailanysty alǵashqy sot otyrysy Zaisan qalasynda 17 naýryzda ótken bolatyn. Shyǵys Qazaqstan oblysy Zaisan aýdandyq soty jalǵyzbasty áieldi 234-bap boiynsha aiypty dep tanyǵan. Sondai-aq, 68 myń teńge aiyppul salyp, qalǵan 40 myń dollardy memleketke kiris retinde sheshken edi.
Ol sheshimge narazy bolǵan jalǵyzbasty ana apellatsiialyq sotqa shaǵym túsirdi.
Qazaq qoǵamynda zor dúmpý týdyrǵan atyshýly bul oqiǵaǵa kúlli jurt nazar aýdaryp otyrǵany belgili. Ásirese, ózge elderden atajurtqa oralýdy maqsat etken san myńdaǵan qandastardyń osy oqiǵadan soń, býýly teńderin qaita sheship, oilanyp, qorqaqtap qalǵany jasyryn emes.
«Apellatsiialyq sot ońtaily sheshim shyǵaryp, óz aqshamdy ózime qaitarar dep úmittenemin. Al, ol aqsha qolyma timese, eki balam men kelinimdi, inimdi, onyń bala-shaǵasyn qosqanda 8 adam baspanasyz, tiynsyz dalada qalǵaly turmyz», – deidi jesir ana.
