وسى جىلدىڭ 8 اقپانى كٷنٸ قىتايدان قازاق ەلٸنە كٶشٸپ كەلە جاتىپ, «مايقاپشاعاي» كەدەندٸك باقىلاۋ بەكەتٸندە 59,900 اقش دوللارى كەدەنشٸلەر تاراپىنان تەركٸلەنگەن جەسٸر انا گٷلجان مەۋٸتحانقىزىنا قاتىستى اپەللاتسييالىق سوت وتىرىس 1-شٸ ماۋسىم كٷنٸ ٶسكەمەن قالاسىندا ٶتەدٸ, دەپ حابارلايدى Baq.kz.
Baq.kz رەداكتسيياسىنىڭ باقىلاۋىندا كەلە جاتقان وسىناۋ ٶكٸنٸشتٸ جاعداي تۋرالى بۇرىننان جازىپ, جۇرت نازارىنا ۇسىنىپ كەلەمٸز.
كٷللٸ ەلدٸڭ قارسىلىعىن تۋدىرعان بۇل وقيعاعا بايلانىستى العاشقى سوت وتىرىسى زايسان قالاسىندا 17 ناۋرىزدا ٶتكەن بولاتىن. شىعىس قازاقستان وبلىسى زايسان اۋداندىق سوتى جالعىزباستى ەيەلدٸ 234-باپ بويىنشا ايىپتى دەپ تانىعان. سونداي-اق, 68 مىڭ تەڭگە ايىپپۇل سالىپ, قالعان 40 مىڭ دوللاردى مەملەكەتكە كٸرٸس رەتٸندە شەشكەن ەدٸ.
ول شەشٸمگە نارازى بولعان جالعىزباستى انا اپەللاتسييالىق سوتقا شاعىم تٷسٸردٸ.
قازاق قوعامىندا زور دٷمپۋ تۋدىرعان اتىشۋلى بۇل وقيعاعا كٷللٸ جۇرت نازار اۋدارىپ وتىرعانى بەلگٸلٸ. ەسٸرەسە, ٶزگە ەلدەردەن اتاجۇرتقا ورالۋدى ماقسات ەتكەن سان مىڭداعان قانداستاردىڭ وسى وقيعادان سوڭ, بۋۋلى تەڭدەرٸن قايتا شەشٸپ, ويلانىپ, قورقاقتاپ قالعانى جاسىرىن ەمەس.
«اپەللاتسييالىق سوت وڭتايلى شەشٸم شىعارىپ, ٶز اقشامدى ٶزٸمە قايتارار دەپ ٷمٸتتەنەمٸن. ال, ول اقشا قولىما تيمەسە, ەكٸ بالام مەن كەلٸنٸمدٸ, ٸنٸمدٸ, ونىڭ بالا-شاعاسىن قوسقاندا 8 ادام باسپاناسىز, تيىنسىز دالادا قالعالى تۇرمىز», – دەيدٸ جەسٸر انا.
