QR Memlekettik shekarasyn zańsyz kesip ótip, esirtki kontrabandasymen ainalysqan sheteldikter sottaldy, dep habarlaidy UQK baspasóz qyzmeti.
2021 jylǵy qazanda Shekara qyzmeti men UQK Mańǵystaý oblysy boiynsha departamenti Kaspii teńizi sý ailaǵyndaǵy birlesken is-sharalar barysynda Qazaqstan Respýblikasynyń Memlekettik shekarasyn qasaqana zańsyz kesip ótkeni úshin eki shetel azamaty bar «Amýr» tipti shaǵyn kemeni ustaǵan.
Júzý quralyn tekserý barysynda salmaǵy 14 kg «apiyn», 8 kg «gashish» jáne «metadon» psihotroptyq zatynyń 29 plastinasy tabylyp, tárkilendi.
"2021 jylǵy jeltoqsanda ustalǵandardyń biri 392-baptyń 1-bóligi (Qazaqstan Respýblikasynyń Memlekettik shekarasyn qasaqana zańsyz kesip ótý) boiynsha kináli dep tanylyp, 5 jyl merzimge QR sheginen shyǵarýmen 6 aiǵa bas bostandyǵynan aiyryldy.
2022 jylǵy 10 naýryzda Mamandandyrylǵan aýdanaralyq sot ekinshi sheteldik azamatty Qylmystyq kodekstiń 286-baby 4-bóligi (ainalystan alyp qoiylǵan zattardyń nemese ainalysy shektelgen zattardyń kontrabandasy), 297-baby 3-bóligi 1, 3-tarmaqtary (esirtki quraldaryn, psihotroptyq zattardy, sol tektesterdi ótkizý maqsatynda zańsyz daiyndaý, qaita óńdeý, iemdený, saqtaý, tasymaldaý, jóneltý ne ótkizý) jáne 392-baby 1-bóligi (Qazaqstan Respýblikasynyń Memlekettik shekarasyn qasaqana zańsyz kesip ótý) boiynsha kináli dep tanydy. Ol jazasyn qylmystyq-atqarý júiesiniń qaýipsizdigi barynsha joǵary mekemesinde óteýmen 17 jylǵa bas bostandyǵynan aiyryldy" - delingen habarlamada.
