Shaxandaǵy apattan zardap shekkenderge gýmanitarlyq kómek kórsetý sharasy óz jalǵasyn tappaq, - dep habarlaidy "Ult aqparat" aqyn Aqberen Elgezektiń feisbýktaǵy jazbasyna silteme jasap.
"Qazir ǵana Shahannan Erekeń habarlasty. Keshegi astanalyq aǵaiyn jinaǵan azyq-úlik pen zattardy aman-esen jetkizipti. Jurt japatarmaǵai bólisip aldy deidi. Áli de zardap shekken aǵaiyn kómekke zárý eken. Ásirese, alǵashqy qajetti zattar deimiz be, solar. Tis pastasy, gigienalyq zattar, sabyn, kir jýatyn poroshoktar, azyq-túlik degendei. Sol sebepten, alǵashqydai kólemdi bolmasa da, kim nemen kómektese alady, buryn kórsetilgen meken-jaiǵa ákelse bolady. Sol sebepten, #shahankómek sharasy jalǵasatynyn habarlaimyn", - deidi ol feisbýktaǵy jazbasynda.
Esterińizge sala keteiik, osydan birneshe kún buryn Elordadaǵy qazaqtyń birqatar belsendi azamaty Shaxandaǵy apattan zardap shekkenderge kiim-keshek jáne buzylmaityn azyq-túlik jinaý sharasyn bastaǵan bolatyn.
Sonymen qatar, keshe túnde kómek úshin jinalǵan barlyq qajetti dúnieniń alǵashqy legi jóneltilip, eldi-meken turǵyndaryna jetkeni habarlanǵan.
Igi istiń basy-qasynda júrgen azamattardyń qatarynda: Erlan Sairov, Aqberen Elgezek, Murat Ábenov, Dina Elgezek sekildi elge tanymal qoǵam qairatkerleri men belsendiler bar.
Ult portaly
