Mańǵystaý oblysynda kópqabatty úidiń shatyrynda júrgen jasóspirimder anyqtaldy, dep habarlaidy "Ult aqparat".
Áleýmettik jelide taraǵan videoda jasóspirim bala salynyp jatqan kópqabatty úidiń shatyrynyń shetinde turyp, ómirine qaýipti akrobatikalyq qimyl jasaidy. Muny janyndaǵy dostary videoǵa túsirip turady.
Jelini shýlatqan jasóspirimderdi Aqtaý qalasy politsiia basqarmasynyń iývenaldy politsiia qyzmetkerleri anyqtady. Olar Aqtaý qalasyndaǵy 5-synyp oqýshylary ekeni belgili bolǵan.
Mańǵystaý oblystyq Politsiia departamenti baspasóz qyzmetiniń habarlaýynsha, atalǵan is boiynsha ákimshilik hattama toltyrylǵan.
«Ata-analarǵa QR ÁQBtK-niń 127-baby (kámeletke tolmaǵandy tárbieleý jáne (nemese) bilim berý, onyń quqyqtary men múddelerin qorǵaý jónindegi mindetterdi oryndamaý) boiynsha ákimshilik hattama toltyryldy. Materialdar qala ákimdigi janyndaǵy kámeletke tolmaǵandardyń quqyqtaryn qorǵaý jónindegi komissiiaǵa jiberiledi.Ata-analarmen profilaktikalyq áńgime ótkizildi. Qurmetti ata-analar! Bárimiz birge balalardyń qaýipsizdigin qamtamasyz etýge tiispiz», - dep atap ótti departament basshysy Baqtybaev Janarbek.
