Sharyn shatqalynda bir táýlikke jýyq ýaqyttan soń aman-esen tabylǵan oqýshy jaǵdaidyń qalai bolǵanyn aityp berdi, dep habarlaidy "Ult aqparat".
"Jańbyr jaýyp ketti. Synyppen barlyǵymyz tyǵyldyq. Sodan keiin burshaq jaýdy. Sý jinalyp qala berdi. Biz bir tastan ustap turdyq, al tas bizdi kótermei bólinip ketti. Sosyn qaitadan ustaýǵa tyrystym da, biraq jibere saldym" - dedi qyz.
Odan "seni aǵyn sý alyp ketti me?" dep suraǵanda:
"Solai siiaqty, qalai bolǵanyn bimeimin. Kózimdi qatty jumyp aldym. Keiin qolyma ilingen tastyń bir jaǵyn ustap, ústine kóterildim. Sol jerden jartasqa órmelep shyqtym, aldymen qolymnan túk kelmedi. Biraq keiin shyqtym", - dedi aman-esen tabylǵan oqýshy.
Balanyń ata-anasy, atasy izdeý jumystaryna at salysqan barsha jandarǵa, qutqarýshylarǵa alǵystaryn jaýdyryp jatyr.
Esterińizge sala keteiik, 29 mamyr kúni Sharyn shatqalynda sel júrip, eki adam mert boldy. 6 adam zardap shegip, bir oqýshy iz-túzsiz joǵalyp, búgin aman-esen tabylǵan bolatyn.
