شارىن شاتقالىندا بٸر تەۋلٸككە جۋىق ۋاقىتتان سوڭ امان-ەسەن تابىلعان وقۋشى جاعدايدىڭ قالاي بولعانىن ايتىپ بەردٸ, دەپ حابارلايدى "ۇلت اقپارات".
"جاڭبىر جاۋىپ كەتتٸ. سىنىپپەن بارلىعىمىز تىعىلدىق. سودان كەيٸن بۇرشاق جاۋدى. سۋ جينالىپ قالا بەردٸ. بٸز بٸر تاستان ۇستاپ تۇردىق, ال تاس بٸزدٸ كٶتەرمەي بٶلٸنٸپ كەتتٸ. سوسىن قايتادان ۇستاۋعا تىرىستىم دا, بٸراق جٸبەرە سالدىم" - دەدٸ قىز.
ودان "سەنٸ اعىن سۋ الىپ كەتتٸ مە?" دەپ سۇراعاندا:
"سولاي سيياقتى, قالاي بولعانىن بٸمەيمٸن. كٶزٸمدٸ قاتتى جۇمىپ الدىم. كەيٸن قولىما ٸلٸنگەن تاستىڭ بٸر جاعىن ۇستاپ, ٷستٸنە كٶتەرٸلدٸم. سول جەردەن جارتاسقا ٶرمەلەپ شىقتىم, الدىمەن قولىمنان تٷك كەلمەدٸ. بٸراق كەيٸن شىقتىم", - دەدٸ امان-ەسەن تابىلعان وقۋشى.
بالانىڭ اتا-اناسى, اتاسى ٸزدەۋ جۇمىستارىنا ات سالىسقان بارشا جاندارعا, قۇتقارۋشىلارعا العىستارىن جاۋدىرىپ جاتىر.
ەستەرٸڭٸزگە سالا كەتەيٸك, 29 مامىر كٷنٸ شارىن شاتقالىندا سەل جٷرٸپ, ەكٸ ادام مەرت بولدى. 6 ادام زارداپ شەگٸپ, بٸر وقۋشى ٸز-تٷزسٸز جوعالىپ, بٷگٸن امان-ەسەن تابىلعان بولاتىن.
