Sharyn shatqalynda zardap jekken balanyń jaǵdaiy aýyr, jansaqtaý bóliminde jatyr, dep habarlaidy "Ult aqparat".
«29 mamyr kúni Uiǵyr aýdandyq ortalyq aýrýhanasyna Sharyn shatqalynda zardap shekken 6 adam jetkizildi. Olardyń ekeýi — 2009 jáne 2010 jyly týǵan balalar. Qazirgi ýaqytta 2009 jyly týǵan bala Almaty aimaqtyq balalar aýrýhanasyna aýystyryldy. Reanimatsiia jáne qarqyndy terapiia bólimshesine jatqyzyldy. Jaǵdaiy aýyr, turaqty. Diagnozy - jabyq bas súiek-mi jaraqaty, midyń shaiqalýy. Denesiniń birneshe bóligi jaraqattanǵan.
2010 jyly týǵan naýqas Uiǵyr aýdandyq aýrýhanasynyń hirýrgiialyq bólimshesine jatqyzyldy. Diagnoz: Jabyq bas súiek-mi jaraqaty. Midyń shaiqalýy. Aiaqtary jaraqattanǵan», - dedi Almaty oblystyq Densaýlyq saqtaý basqarmasynyń baspasóz qyzmetiniń resmi ókili Láilim Áýbákirova.
Vedomstvo ókiliniń aqparatyna sáikes, zardap shekkenderdiń barlyǵynyń miy shaiqalǵan.
«1976 jyly týǵan naýqas hirýrgiialyq bólimge jatqyzyldy. Diagnoz: midyń shaiqalýy. Denesi jaraqattanǵan.
1991 jyly týǵan naýqasty týystarynyń talaby boiynsha odan ári tekserip, emdetý úshin Almaty qalasyna alyp ketti. Diagnoz: JJBI. Midyń shaiqalýy.
1970 jáne 1971 jyly týǵan eki adam ambýlatoriialyq emdelýge jiberildi», - dep tolyqtyrdy L. Áýbákirova.
Densaýlyq saqtaý basqarmasynyń basshysy Ómirzaq Ábilseiituly Niiazbekov arnaiy Uiǵyr aýdandyq ortalyq aýrýhanasyna baryp, zardap shekkenderdiń jaǵdaiymen tanysty jáne dárigerlerge meditsinalyq kómek kórsetý boiynsha birqatar tapsyrmalar berdi. Sonymen qatar, Almaty aimaqtyq balalar aýrýhanasynan travmatolog men reanimatolog dárigerler baryp, zardap shekken oqýshylarǵa bilikti meditsinalyq kómek kórsetti.
Esterińizge sala ketsek, keshe Almaty oblysynyń Sharyn shatqalynda sel júrip, 2 adam mert bolyp, 1 adam iz-túzsiz joǵalǵany, taǵy 6 adam zardap shekkeni habarlanǵan bolatyn. Al búgin elimizdiń Bilim jáne ǵylym ministrligi atalǵan oqiǵa saldarynan 1 oqýshy men 1 muǵalimniń qaza tapqanyn, taǵy bir oqýshyny izdeý jumystary júrgizilip jatqanyn málim etken edi.
Keiinnen selge aǵyp ketken oqýshy qyzdyń tabylǵanyn habarlaǵan bolatynbyz.
