شارىن شاتقالىندا زارداپ جەككەن بالانىڭ جاعدايى اۋىر, جانساقتاۋ بٶلٸمٸندە جاتىر, دەپ حابارلايدى "ۇلت اقپارات".
«29 مامىر كٷنٸ ۇيعىر اۋداندىق ورتالىق اۋرۋحاناسىنا شارىن شاتقالىندا زارداپ شەككەن 6 ادام جەتكٸزٸلدٸ. ولاردىڭ ەكەۋٸ — 2009 جەنە 2010 جىلى تۋعان بالالار. قازٸرگٸ ۋاقىتتا 2009 جىلى تۋعان بالا الماتى ايماقتىق بالالار اۋرۋحاناسىنا اۋىستىرىلدى. رەانيماتسييا جەنە قارقىندى تەراپييا بٶلٸمشەسٸنە جاتقىزىلدى. جاعدايى اۋىر, تۇراقتى. دياگنوزى - جابىق باس سٷيەك-مي جاراقاتى, ميدىڭ شايقالۋى. دەنەسٸنٸڭ بٸرنەشە بٶلٸگٸ جاراقاتتانعان.
2010 جىلى تۋعان ناۋقاس ۇيعىر اۋداندىق اۋرۋحاناسىنىڭ حيرۋرگييالىق بٶلٸمشەسٸنە جاتقىزىلدى. دياگنوز: جابىق باس سٷيەك-مي جاراقاتى. ميدىڭ شايقالۋى. اياقتارى جاراقاتتانعان», - دەدٸ الماتى وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸنٸڭ رەسمي ٶكٸلٸ لەيلٸم ەۋبەكٸروۆا.
ۆەدومستۆو ٶكٸلٸنٸڭ اقپاراتىنا سەيكەس, زارداپ شەككەندەردٸڭ بارلىعىنىڭ ميى شايقالعان.
«1976 جىلى تۋعان ناۋقاس حيرۋرگييالىق بٶلٸمگە جاتقىزىلدى. دياگنوز: ميدىڭ شايقالۋى. دەنەسٸ جاراقاتتانعان.
1991 جىلى تۋعان ناۋقاستى تۋىستارىنىڭ تالابى بويىنشا ودان ەرٸ تەكسەرٸپ, ەمدەتۋ ٷشٸن الماتى قالاسىنا الىپ كەتتٸ. دياگنوز: ججبي. ميدىڭ شايقالۋى.
1970 جەنە 1971 جىلى تۋعان ەكٸ ادام امبۋلاتورييالىق ەمدەلۋگە جٸبەرٸلدٸ», - دەپ تولىقتىردى ل. ەۋبەكٸروۆا.
دەنساۋلىق ساقتاۋ باسقارماسىنىڭ باسشىسى ٶمٸرزاق ەبٸلسەيٸتۇلى نييازبەكوۆ ارنايى ۇيعىر اۋداندىق ورتالىق اۋرۋحاناسىنا بارىپ, زارداپ شەككەندەردٸڭ جاعدايىمەن تانىستى جەنە دەرٸگەرلەرگە مەديتسينالىق كٶمەك كٶرسەتۋ بويىنشا بٸرقاتار تاپسىرمالار بەردٸ. سونىمەن قاتار, الماتى ايماقتىق بالالار اۋرۋحاناسىنان تراۆماتولوگ مەن رەانيماتولوگ دەرٸگەرلەر بارىپ, زارداپ شەككەن وقۋشىلارعا بٸلٸكتٸ مەديتسينالىق كٶمەك كٶرسەتتٸ.
ەستەرٸڭٸزگە سالا كەتسەك, كەشە الماتى وبلىسىنىڭ شارىن شاتقالىندا سەل جٷرٸپ, 2 ادام مەرت بولىپ, 1 ادام ٸز-تٷزسٸز جوعالعانى, تاعى 6 ادام زارداپ شەككەنٸ حابارلانعان بولاتىن. ال بٷگٸن ەلٸمٸزدٸڭ بٸلٸم جەنە عىلىم مينيسترلٸگٸ اتالعان وقيعا سالدارىنان 1 وقۋشى مەن 1 مۇعالٸمنٸڭ قازا تاپقانىن, تاعى بٸر وقۋشىنى ٸزدەۋ جۇمىستارى جٷرگٸزٸلٸپ جاتقانىن مەلٸم ەتكەن ەدٸ.
كەيٸننەن سەلگە اعىپ كەتكەن وقۋشى قىزدىڭ تابىلعانىن حابارلاعان بولاتىنبىز.
