Almaty oblysyndaǵy sharýa qojalyqtardyń birinen anyqtalǵan arystan arnaiy jerge ornalastyrylmaq. Bul týraly "Ult aqparat" halyqaralyq qar barysy qoryna (Snow Leopard Foundation) silteme jasap habarlaidy.
«Qordyń qoldaýymen taiaýda ǵana Simba atty arystanǵa arnalyp qaýmal salynǵan bolatyn. Alaida ol qaýmal eki arystanǵa ǵana eseptelgen. Sharýa qojalyqtan tabylǵan arystan Simbanyń qaýmalyna ornalastyryldy», - delingen qordyń jelidegi resmi paraqshasynda.
Qaýmal halyqaralyq standarttarǵa sáikes salynǵan. Tiisinshe jyp-jyly ári typ-tynysh oryn eki arystannyń bólek-bólek tirshilik etýine múmkindik beredi. Eger almatylyq arystannyń meditsinalyq analizi durys bolyp shyqsa, jýyq arada Simbanyń ýaqytsha «kórshisi» bolady.
«Qaýmal taǵy bir ańdy qutqaryp qalsa – bizdiń maqsatymyzdyń oryndalǵany. Jabaiy ańnyń oiynshyq emes ekenin eske sala ketkimiz keledi. Olardyń óz erekshelikteri men qajettilikteri bar», - deidi Qor.
Eske sala ketsek, buǵan deiin Almaty oblysynda sharýa qojalyǵy iesiniń arystan asyrap jatqany anyqtalǵan bolatyn.
Almaty oblystyq politsiia departamenti baspasóz qyzmetiniń málimetinshe, 8 aqpan kúni Talǵar aýdanynyń politsiia basqarmasyna habarlama kelip túsken. Ol jerde Besqainar aýdanyndaǵy sharýa qojalyqtyń birinde arystan bar ekeni habarlanǵan. Tártip saqshylary shaǵym boiynsha belgilengen mekenjaidy tekserýge barǵanda aqparat rastalǵan.
