Nur-Sultan qalasynyń ákimi Altai Kólginov otstavkaǵa ketkisi kelmeitinin aitty, dep habarlaidy Sputnik Qazaqstan agenttigi.
Ortalyq kommýnikatsiialar qyzmetinde ótken brifingte jýrnalister elorda ákiminen "Jumystan sharshaǵan joqsyz ba?" dep surady.
"Men sharshaǵan joqpyn. Memlekettik qyzmette jumys istep jatqanymdy maqtan tutamyn. Kún tártibinde turǵan mektep, qoljetimdi baspana, kópir salý, áleýmettik máselelerdi sheshý, tutas qalany damytý sekildi mindetterdi sheshýge bar kúshimdi salýdy paryzym dep sanaimyn", - dep jaýap berdi Altai Kólginov.
Eske salaiyq, Altai Kólginov elorda basshysy bolyp 2019 jyldyń 13 maýsymynda taǵaiyndalǵan bolatyn. Oǵan deiin ol Batys Qazaqstan oblysyn basqardy.
