Halyqaralyq shańǵy sporty túrleri federatsiiasy Germaniia tarapymen birlese otyryp, 2021 jylǵy álem chempionatyn kórermensiz ótkizý týraly sheshim qabyldady, dep jazady Olympic.kz.
Bul týraly uiymnyń baspasóz qyzmeti habarlady. Buǵan deiin jarysqa bilet alyp qoiǵan jankúierlerge qarajaty qaitarylady.
Aita ketelik, álemdik federatsiia týrnirge kórermenderdi qatystyrý týraly máseleni uzaq talqylap, keiin osyndai toqtamǵa keldi. Shańǵy sport túrlerinen álem chempionatynda shańǵymen jarysý, qossaiys jáne tuǵyrdan sekirýden jalpy esebi 23 júlde jiyntyǵy taratylady.
Álemdik syn Germaniianyń Oberstdorf aimaǵynda 23 aqpan men 7 naýryz aralyǵynda uiymdastyrylady.
