Astanada Halyqaralyq mamandandyrylǵan EKSPO-2017 kórmesi aiasynda «Shandýn provintsiiasynyń aptalyǵy» ashyldy.
Qytai pavilonynda ashylǵan kórmege Shandýn provintsiiasynyń alty qalasynan resmi delegatsiia ókilderi men iri kompaniia basshylary qatysty. Qytailyq delegatsiiany Shandýn provintsiiasynyń Halyq ókilderi Quryltaiy Turaqty komiteti basshysynyń orynbasary Sia Gen bastap keldi.
Jiynǵa qazaqstandyq taraptan OQO ákimi orynbasary Baýyrjan Jamalov, SQO oblysy ákiminiń orynbasary Jandarbek Dáýren, Qaraǵandy oblysy ákiminiń orynbasary Asylbek Dúisebev, Qazaqstandyq investitsiialyq yntymaqtastyq agenttiginiń basshysy Aidyn Baiedilov jáne elimizdiń iri kásiporyndary basshylary qatysty.
Kórmeni Shandýn provintsiiasynyń Halyq ókilderi Quryltaiy Turaqty komiteti basshysynyń orynbasary Sia Gen ashty. Ol Shandýn provintsiiasynyń Qytai naryǵyndaǵy roline toqtalyp, jetistikterin atap ótti. «Shandýn óńiriniń aýyl sharýashylyǵy eksportynyń kólemi jalpy Qytaidyń eksport kóleminiń shirek bóligin quraidy», - deidi ol.
Sia Gen myrza «Bir beldeý - bir jol» jobasynyń Qytai eli úshin mańyzdy ekenin, úlken múmkindikterge jol ashatynyn basa aitty.
«Shandýn provintsiiasy «Bir beldeý - bir jol» aýqymdy jobasynda úlken mańyzǵa ie. Bul Qazaqstan men Qytaidyń ózara yntymaqtastyǵyna ózinshe sep bolady dep oilaimyn» deidi Qazaqstandyq investitsiialyq intymaqtastyq agenttiginiń basshysy Aidyn Baiedilov.
Ashylý saltynaty aiasynda Qazaqstan investitsiialyq yntymaqtastyq agenttigi Shandýn provintsiiasynyń Halyq ókilderi Quryltaiy Turaqty komitetimen jáne Shandýn provintsiiasy halyqaralyq saýdaǵa járdemdesý komitetimen yntymaqtastyq týraly memorandýmderge qol qoidy.
Sondai-aq, Shandýn provintsiiasy basshylyǵy Ońtústik jáne Soltústik Qazaqstan oblystarymen de arnaiy kelisimsharttarǵa qol qoidy.
Mundai is-sharalar Qazaqstannyń shet eldermen qarym-qatynasyn nyǵaityp, túrli salalardyń damýyna óz septigin tigizeri anyq.
Ótken aida uiymdastyrylǵan Henan, Gýandýn provintsiialarynyń ashylý saltanatynda da birqatar kelisimsharttar jasalǵan-dy.
Búginge deiin halyqaralyq mamandandyrylǵan EKSPO-2017 kórmesi aiasynda birneshe aimaq óz aptalyǵyn usynyp úlgergen bolatyn. Shandýn provintsiiasy aptalyǵy – Qytai pavilonyndaǵy ózin tanystyratyn eń sońǵy aimaq. Buǵan deiin atalmysh pavilonda qytailyq 23 aimaq túrli taqyrypta aptalyqtar ótkizilgen.
Aita ketsek, Shandýn provintsiiasy - Qytaidyń shyǵysynda oryn tepken iri aimaq. Óziniń bai mádenietimen, salt-dástúrimen jáne ásem tabiǵatymen erekshelenedi. Halyq sany 100 millionnyń shamasynda.
Ekonomikalyq damý jaǵynan Qytai provintsiialary arasynda úshinshi orynda tur. Beijiń men Shanhaidyń arasyndaǵy geografiialyq ornalasýy da provintsiianyń jan-jaqty damýyna septigin tigizdi. Bul óńirde Konfýtsii, Chjýan-Tszy, Men-Tszy syndy uly oishyldar dúniege kelgen.
