استانادا حالىقارالىق مامانداندىرىلعان ەكسپو-2017 كٶرمەسٸ اياسىندا «شاندۋن پروۆينتسيياسىنىڭ اپتالىعى» اشىلدى.
قىتاي پاۆيلونىندا اشىلعان كٶرمەگە شاندۋن پروۆينتسيياسىنىڭ التى قالاسىنان رەسمي دەلەگاتسييا ٶكٸلدەرٸ مەن ٸرٸ كومپانييا باسشىلارى قاتىستى. قىتايلىق دەلەگاتسييانى شاندۋن پروۆينتسيياسىنىڭ حالىق ٶكٸلدەرٸ قۇرىلتايى تۇراقتى كوميتەتٸ باسشىسىنىڭ ورىنباسارى سيا گەن باستاپ كەلدٸ.
جيىنعا قازاقستاندىق تاراپتان وقو ەكٸمٸ ورىنباسارى باۋىرجان جامالوۆ, سقو وبلىسى ەكٸمٸنٸڭ ورىنباسارى جانداربەك دەۋرەن, قاراعاندى وبلىسى ەكٸمٸنٸڭ ورىنباسارى اسىلبەك دٷيسەبەۆ, قازاقستاندىق ينۆەستيتسييالىق ىنتىماقتاستىق اگەنتتٸگٸنٸڭ باسشىسى ايدىن بايەديلوۆ جەنە ەلٸمٸزدٸڭ ٸرٸ كەسٸپورىندارى باسشىلارى قاتىستى.
كٶرمەنٸ شاندۋن پروۆينتسيياسىنىڭ حالىق ٶكٸلدەرٸ قۇرىلتايى تۇراقتى كوميتەتٸ باسشىسىنىڭ ورىنباسارى سيا گەن اشتى. ول شاندۋن پروۆينتسيياسىنىڭ قىتاي نارىعىنداعى رولٸنە توقتالىپ, جەتٸستٸكتەرٸن اتاپ ٶتتٸ. «شاندۋن ٶڭٸرٸنٸڭ اۋىل شارۋاشىلىعى ەكسپورتىنىڭ كٶلەمٸ جالپى قىتايدىڭ ەكسپورت كٶلەمٸنٸڭ شيرەك بٶلٸگٸن قۇرايدى», - دەيدٸ ول.
سيا گەن مىرزا «بٸر بەلدەۋ - بٸر جول» جوباسىنىڭ قىتاي ەلٸ ٷشٸن ماڭىزدى ەكەنٸن, ٷلكەن مٷمكٸندٸكتەرگە جول اشاتىنىن باسا ايتتى.
«شاندۋن پروۆينتسيياسى «بٸر بەلدەۋ - بٸر جول» اۋقىمدى جوباسىندا ٷلكەن ماڭىزعا يە. بۇل قازاقستان مەن قىتايدىڭ ٶزارا ىنتىماقتاستىعىنا ٶزٸنشە سەپ بولادى دەپ ويلايمىن» دەيدٸ قازاقستاندىق ينۆەستيتسييالىق ينتىماقتاستىق اگەنتتٸگٸنٸڭ باسشىسى ايدىن بايەديلوۆ.
اشىلۋ سالتىناتى اياسىندا قازاقستان ينۆەستيتسييالىق ىنتىماقتاستىق اگەنتتٸگٸ شاندۋن پروۆينتسيياسىنىڭ حالىق ٶكٸلدەرٸ قۇرىلتايى تۇراقتى كوميتەتٸمەن جەنە شاندۋن پروۆينتسيياسى حالىقارالىق ساۋداعا جەردەمدەسۋ كوميتەتٸمەن ىنتىماقتاستىق تۋرالى مەموراندۋمدەرگە قول قويدى.
سونداي-اق, شاندۋن پروۆينتسيياسى باسشىلىعى وڭتٷستٸك جەنە سولتٷستٸك قازاقستان وبلىستارىمەن دە ارنايى كەلٸسٸمشارتتارعا قول قويدى.
مۇنداي ٸس-شارالار قازاقستاننىڭ شەت ەلدەرمەن قارىم-قاتىناسىن نىعايتىپ, تٷرلٸ سالالاردىڭ دامۋىنا ٶز سەپتٸگٸن تيگٸزەرٸ انىق.
ٶتكەن ايدا ۇيىمداستىرىلعان حەنان, گۋاندۋن پروۆينتسييالارىنىڭ اشىلۋ سالتاناتىندا دا بٸرقاتار كەلٸسٸمشارتتار جاسالعان-دى.
بٷگٸنگە دەيٸن حالىقارالىق مامانداندىرىلعان ەكسپو-2017 كٶرمەسٸ اياسىندا بٸرنەشە ايماق ٶز اپتالىعىن ۇسىنىپ ٷلگەرگەن بولاتىن. شاندۋن پروۆينتسيياسى اپتالىعى – قىتاي پاۆيلونىنداعى ٶزٸن تانىستىراتىن ەڭ سوڭعى ايماق. بۇعان دەيٸن اتالمىش پاۆيلوندا قىتايلىق 23 ايماق تٷرلٸ تاقىرىپتا اپتالىقتار ٶتكٸزٸلگەن.
ايتا كەتسەك, شاندۋن پروۆينتسيياسى - قىتايدىڭ شىعىسىندا ورىن تەپكەن ٸرٸ ايماق. ٶزٸنٸڭ باي مەدەنيەتٸمەن, سالت-دەستٷرٸمەن جەنە ەسەم تابيعاتىمەن ەرەكشەلەنەدٸ. حالىق سانى 100 ميلليوننىڭ شاماسىندا.
ەكونوميكالىق دامۋ جاعىنان قىتاي پروۆينتسييالارى اراسىندا ٷشٸنشٸ ورىندا تۇر. بەيجٸڭ مەن شانحايدىڭ اراسىنداعى گەوگرافييالىق ورنالاسۋى دا پروۆينتسييانىڭ جان-جاقتى دامۋىنا سەپتٸگٸن تيگٸزدٸ. بۇل ٶڭٸردە كونفۋتسيي, چجۋان-تسزى, مەن-تسزى سىندى ۇلى ويشىلدار دٷنيەگە كەلگەن.
