Jańa bilim jáne ǵylym ministri Kúlásh Shámshidinova ministrliktegi máselelerdiń baiybyna barý úshin ýaqyt berýdi surady, dep habarlaidy Sputnik Qazaqstan tilshisi.
"Aldymen jumysymyzdy bastaiyq, keiin men sizderdiń suraqtaryńyzǵa jaýap berýge daiynmyn", - dedi Shámshidinova úkimet kýlýarynda.
Osy kezde BAQ ókilderi jańa basshydan ministrliktegi problemalardyń baiybyna barýǵa qansha ýaqyt kerek ekenin surady.
"Muny qysqa nemese uzaq ýaqytpen anyqtaý múmkin emes. Sondyqtan, sol burynǵy qarqynmen jumys isteimiz. Jumysymyzdy bastaiyq, sodan keiin men barlyq suraqqa jaýap berýge daiyn bolamyn", - dedi ol.
Aita ketsek, 25 aqpanda Qazaqstan prezidentiniń jarlyǵymen Kúlásh Shámshidinova bilim jáne ǵylym ministri bolyp taǵaiyndaldy. Ol bul qyzmette Erlan Saǵadievti almastyrdy.
Kúlásh Shámshidinova 1958 jyly týǵan. S.M.Kirov atyndaǵy Qazaq memlekettik ýniversitetin (1979) "Himiia oqytýshysy" mamandyǵy boiynsha támamdaǵan. Eńbek jolyn orta mektepte himiia pániniń muǵalimi bolyp bastaǵan. Sońǵy qyzmeti – "Nazarbaev ziiatkerlik mektepteri" AQ basqarma tóraiymy.
