جاڭا بٸلٸم جەنە عىلىم مينيسترٸ كٷلەش شەمشيدينوۆا مينيسترلٸكتەگٸ مەسەلەلەردٸڭ بايىبىنا بارۋ ٷشٸن ۋاقىت بەرۋدٸ سۇرادى, دەپ حابارلايدى Sputnik قازاقستان تٸلشٸسٸ.
"الدىمەن جۇمىسىمىزدى باستايىق, كەيٸن مەن سٸزدەردٸڭ سۇراقتارىڭىزعا جاۋاپ بەرۋگە دايىنمىن", - دەدٸ شەمشيدينوۆا ٷكٸمەت كۋلۋارىندا.
وسى كەزدە باق ٶكٸلدەرٸ جاڭا باسشىدان مينيسترلٸكتەگٸ پروبلەمالاردىڭ بايىبىنا بارۋعا قانشا ۋاقىت كەرەك ەكەنٸن سۇرادى.
"مۇنى قىسقا نەمەسە ۇزاق ۋاقىتپەن انىقتاۋ مٷمكٸن ەمەس. سوندىقتان, سول بۇرىنعى قارقىنمەن جۇمىس ٸستەيمٸز. جۇمىسىمىزدى باستايىق, سودان كەيٸن مەن بارلىق سۇراققا جاۋاپ بەرۋگە دايىن بولامىن", - دەدٸ ول.
ايتا كەتسەك, 25 اقپاندا قازاقستان پرەزيدەنتٸنٸڭ جارلىعىمەن كٷلەش شەمشيدينوۆا بٸلٸم جەنە عىلىم مينيسترٸ بولىپ تاعايىندالدى. ول بۇل قىزمەتتە ەرلان ساعاديەۆتٸ الماستىردى.
كٷلەش شەمشيدينوۆا 1958 جىلى تۋعان. س.م.كيروۆ اتىنداعى قازاق مەملەكەتتٸك ۋنيۆەرسيتەتٸن (1979) "حيمييا وقىتۋشىسى" ماماندىعى بويىنشا تەمامداعان. ەڭبەك جولىن ورتا مەكتەپتە حيمييا پەنٸنٸڭ مۇعالٸمٸ بولىپ باستاعان. سوڭعى قىزمەتٸ – "نازارباەۆ زيياتكەرلٸك مەكتەپتەرٸ" اق باسقارما تٶرايىمى.
