Reseidegi Máskeý memorialdyq meshitiniń imamy Shamil Aliaýtdinov telejúrgizýshi Dinara Satjanmen ótkizgen Instagram-daǵy tikelei efir kezinde vaktsinany nájiske teńep júrgen «ýaǵyzshylar» týraly pikir bildirdi, dep habarlaidy "Ult aqparat" QazAqparat agentigine silteme jasap.
«Bizdiń zaman – internettiń zamany bolyp tur. Al internet saýaty joq adamdarǵa ún qatý múmkindigin berip otyr. Ótkende Reseidiń eńbek ótili 15-20 jyldan asqan dini ǵalymdary Kairde halyqaralyq konferentsiiaǵa qatysyp qaittyq. Sol kezde arab ǵalymdary da aityp otyr. Qazir internette saýatsyz ýaǵyzshylar qaptap júr. Olardyń qudaidy taný ilimi tereń bolmasa da, tilderi sheshen. Birneshe hadis pen aiatty jattap alyp, sonyń kómegimen eldi aýzyna qaratady. Mysalǵa vaktsinany alsaq, oǵan qarsy nemese qoldaityn ustanymdy tańdap alady da, dini teoriiadan úzindini qiyp alyp, sony túrli jolmen taratyp, ainaldyrady. Osynyń kómegimen oqyrmandaryn kóbeitip, tobyrdyń kóńil kúiine oinaidy. Al resmi din ókilderi óitip tobyrdyń, halyqtyń kóńil-kúiine oinai almaidy. Olardyń basty mindeti – aǵartý», - dedi máskeýlik imam.
Dini qyzmetker internet arqyly islam qundylyqtaryn burmalap túsindirýshilerdiń kóbeiýine naǵyz dini bilim ieleriniń áleýmettik jelige shyǵýǵa ýaqyty bolmaityny da áser etip otyrǵanyn aitty.
«Eń bedeldi, eń saýatty dini qyzmetkerler internette tanymal emes. Olar kitap shyǵaryp, dáris oqýy múmkin. Biraq inetrentte tanymal emes. Bul - óte úlken problema. Internet óte kóp ýaqyt pen kúshti, belgili bir qabiletterdi qajet etedi. Biz qazir sondai bir kezeńdi bastan ótkerip jatyrmyz. Meditsina iliminde, qudaidy taný iliminde osy internettegi kórgensizdikti jeńe alamyz ba, joq pa degen másele týyndap tur», - deidi imam.
Sondai-aq, ol vaktsinany nájiske teńeý qurannyń eshbir aiaty men súresine de qaishy ekenin aitty.
«Qoldan ósirgen sheihter» adamdardyń emotsiiasyna oinap, túrli tyiymdardy oilap taýyp jatyr. Onyń qýatyn elestete de almaisyz. Bul - naǵyz aqparattyq bomba. Vaktsina –degen nájis dep tyiym aita salady. Ony ilip áketip taratady. Bir sáttiń ishinde qaralym 100 myń, million bop ósedi. Al mazmunynda qurannan alǵan bir de bir argýment joq. Bastan-aiaq oidan shyǵarylǵan. Mundai janama, jalǵan tyiymdarmen kez kelgen dúniege tyiym salyp tastaýǵa bolady. Vaktsinany nájiske teńeý – qurannyń da, súnnettiń de qaǵidattarymen alyp qaraǵanda, aqymaqtyq. Kim oidan shyǵarsa da, dál ýaqyttynda oilap shyǵarǵan. Aýzyńnan shyqqan sózdi adamdar kórip, qyzý talqylap jatsa, ádemi shyǵar. Biraq bul ótirik», - dedi Shamil Aliaýtdinov.
