رەسەيدەگٸ مەسكەۋ مەموريالدىق مەشٸتٸنٸڭ يمامى شاميل الياۋتدينوۆ تەلەجٷرگٸزۋشٸ دينارا ساتجانمەن ٶتكٸزگەن Instagram-داعى تٸكەلەي ەفير كەزٸندە ۆاكتسينانى نەجٸسكە تەڭەپ جٷرگەن «ۋاعىزشىلار» تۋرالى پٸكٸر بٸلدٸردٸ, دەپ حابارلايدى "ۇلت اقپارات" قازاقپارات اگەنتٸگٸنە سٸلتەمە جاساپ.
«بٸزدٸڭ زامان – ينتەرنەتتٸڭ زامانى بولىپ تۇر. ال ينتەرنەت ساۋاتى جوق ادامدارعا ٷن قاتۋ مٷمكٸندٸگٸن بەرٸپ وتىر. ٶتكەندە رەسەيدٸڭ ەڭبەك ٶتٸلٸ 15-20 جىلدان اسقان دٸني عالىمدارى كايردە حالىقارالىق كونفەرەنتسيياعا قاتىسىپ قايتتىق. سول كەزدە اراب عالىمدارى دا ايتىپ وتىر. قازٸر ينتەرنەتتە ساۋاتسىز ۋاعىزشىلار قاپتاپ جٷر. ولاردىڭ قۇدايدى تانۋ ٸلٸمٸ تەرەڭ بولماسا دا, تٸلدەرٸ شەشەن. بٸرنەشە حاديس پەن اياتتى جاتتاپ الىپ, سونىڭ كٶمەگٸمەن ەلدٸ اۋزىنا قاراتادى. مىسالعا ۆاكتسينانى الساق, وعان قارسى نەمەسە قولدايتىن ۇستانىمدى تاڭداپ الادى دا, دٸني تەورييادان ٷزٸندٸنٸ قيىپ الىپ, سونى تٷرلٸ جولمەن تاراتىپ, اينالدىرادى. وسىنىڭ كٶمەگٸمەن وقىرماندارىن كٶبەيتٸپ, توبىردىڭ كٶڭٸل كٷيٸنە وينايدى. ال رەسمي دٸن ٶكٸلدەرٸ ٶيتٸپ توبىردىڭ, حالىقتىڭ كٶڭٸل-كٷيٸنە ويناي المايدى. ولاردىڭ باستى مٸندەتٸ – اعارتۋ», - دەدٸ مەسكەۋلٸك يمام.
دٸني قىزمەتكەر ينتەرنەت ارقىلى يسلام قۇندىلىقتارىن بۇرمالاپ تٷسٸندٸرۋشٸلەردٸڭ كٶبەيۋٸنە ناعىز دٸني بٸلٸم يەلەرٸنٸڭ ەلەۋمەتتٸك جەلٸگە شىعۋعا ۋاقىتى بولمايتىنى دا ەسەر ەتٸپ وتىرعانىن ايتتى.
«ەڭ بەدەلدٸ, ەڭ ساۋاتتى دٸني قىزمەتكەرلەر ينتەرنەتتە تانىمال ەمەس. ولار كٸتاپ شىعارىپ, دەرٸس وقۋى مٷمكٸن. بٸراق ينەترەنتتە تانىمال ەمەس. بۇل - ٶتە ٷلكەن پروبلەما. ينتەرنەت ٶتە كٶپ ۋاقىت پەن كٷشتٸ, بەلگٸلٸ بٸر قابٸلەتتەردٸ قاجەت ەتەدٸ. بٸز قازٸر سونداي بٸر كەزەڭدٸ باستان ٶتكەرٸپ جاتىرمىز. مەديتسينا ٸلٸمٸندە, قۇدايدى تانۋ ٸلٸمٸندە وسى ينتەرنەتتەگٸ كٶرگەنسٸزدٸكتٸ جەڭە الامىز با, جوق پا دەگەن مەسەلە تۋىنداپ تۇر», - دەيدٸ يمام.
سونداي-اق, ول ۆاكتسينانى نەجٸسكە تەڭەۋ قۇراننىڭ ەشبٸر اياتى مەن سٷرەسٸنە دە قايشى ەكەنٸن ايتتى.
«قولدان ٶسٸرگەن شەيحتەر» ادامداردىڭ ەموتسيياسىنا ويناپ, تٷرلٸ تىيىمداردى ويلاپ تاۋىپ جاتىر. ونىڭ قۋاتىن ەلەستەتە دە المايسىز. بۇل - ناعىز اقپاراتتىق بومبا. ۆاكتسينا –دەگەن نەجٸس دەپ تىيىم ايتا سالادى. ونى ٸلٸپ ەكەتٸپ تاراتادى. بٸر سەتتٸڭ ٸشٸندە قارالىم 100 مىڭ, ميلليون بوپ ٶسەدٸ. ال مازمۇنىندا قۇراننان العان بٸر دە بٸر ارگۋمەنت جوق. باستان-اياق ويدان شىعارىلعان. مۇنداي جاناما, جالعان تىيىمدارمەن كەز كەلگەن دٷنيەگە تىيىم سالىپ تاستاۋعا بولادى. ۆاكتسينانى نەجٸسكە تەڭەۋ – قۇراننىڭ دا, سٷننەتتٸڭ دە قاعيداتتارىمەن الىپ قاراعاندا, اقىماقتىق. كٸم ويدان شىعارسا دا, دەل ۋاقىتتىندا ويلاپ شىعارعان. اۋزىڭنان شىققان سٶزدٸ ادامدار كٶرٸپ, قىزۋ تالقىلاپ جاتسا, ەدەمٸ شىعار. بٸراق بۇل ٶتٸرٸك», - دەدٸ شاميل الياۋتدينوۆ.
