gov.kz
Ýaqyt beldeýiniń ózgerýi halyq ómiriniń negizgi kórsetkishterine teris áseri bolmaǵan, dep málimdedi QR Saýda jáne integratsiia ministri A. Shakqalie Úkimet otyrysynda. Bul týraly Ult.kz habarlaidy.
Qazaqstan aýmaǵyndaǵy ýaqytty esepteý máselesi boiynsha jasaǵan baiandamasynda aitylǵandai ministr Májilistiń «AMANAT» fraktsiiasynda biryńǵai ýaqyt máselesin talqylaý qorytyndysy boiynsha meditsina, neiroǵylym, biofizika, genetika, astrofizika, fiziologiia salalaryndaǵy ǵylymi-zertteý institýttary, salalyq sarapshylardy, barlyq deńgeidegi máslihat depýtattary jáne múddeli tulǵalardyń qatysýymen, biryńǵai ýaqyt beldeýiniń halyq densaýlyǵyna, energiia tutyný jáne eńbek ónimdiliginiń áserine monitoring júrgizilgen. Jumys barysynda derekterdi zertteý, saýalnama nátijeleri men ýaqyt beldeýi ózgerýine deiingi jáne odan keiingi kórsetkishterdi salystyratyn keshendi tásil qoldanyldy.
"Qyryqtan astam metrika men kórsetkishterdi qamtityn ýaqyt beldeýiniń ózgerýi halyqtyń densaýlyǵyna, energiia tutynýǵa, eńbek tiimdiligine, oqýshylardyń úlgerimine, jol kólik oqiǵalary kórsetkishine, qylmysqa jáne basqa aspektilerge áserin baǵalaý boiynsha zertteý ádistemesi bekitildi. Densaýlyq saqtaý baǵyty boiynsha halyqtyń jas shamasyna qarai bólingen toptaryn jáne qala men aýyl turǵyndaryn qamtityn taldaý júrgizildi. Energiia tutyný boiynsha eń joǵary júktemelerdiń áserin baǵalaý jáne elimiz boiynsha kóp páterli turǵyn úilerde elektr energiiasyn tutynýdaǵy statistikalyq salystyrý jumystary júrgizildi. Eńbek qyzmeti boiynsha da taldaý jumystary júrgizildi.
Naqty derekterge negizdelgen nátijeler ýaqyt beldeýiniń ózgerýi halyq ómiriniń negizgi kórsetkishterine teris áseri bolmaǵanyn aiqyndaidy", -deidi Shaqqaliev.
Sonymen qatar, ministrdiń sózinshe óńirlerde talqylaý barysynda máslihat depýtattary jumys kestelerin aýystyrý arqyly jumys ýaqytyn ońtailandyrý jónindegi bastamany qoldady.
Búgingi tańda, Shyǵys Qazaqstan oblysynyń birqatar aýdan-darynda (Katonqaraǵai, Marqakól, Úlken Naryn, Zaisan, Tarbaǵatai, Samara, Kúrshim) turǵyndar tarapynan qoldaý taýyp, jumys kestesi 8:00 (tańǵy segizden) 17:30 (keshki bes jarymǵa) deiin ózgertildi.
"Bul sharalar, azamattar úshin qolaily jaǵdai jasaýǵa sondai-aq kásibi jáne jeke ómir arasyndaǵy teńdikti jaqsartýǵa baǵyttalǵan. Qajet bolǵan jaǵdaida, osyndai tájiribeni jergilikti atqarýshy organdar basqa óńirlerde de qoldanýǵa múmkindigi bar", dep otyr ol.
Monitoring nátijesi naýryz aiynyń basynda Májilistiń «AMANAT» fraktsiiasyna engizildi.
