Qaraǵandy oblysynyń Shahan kentinde bolǵan apatqa kináli 5 birdei laýazymdy tulǵaǵa qatysty sot protsesi aiaqtaldy. 9 adamnyń ólimine ákelip soqqan oqiǵaǵa jaýaptylar 2 jarym jylǵa shartty túrde sottaldy, - dep habarlaidy "Astana" telearnasy.
Shahtinsk qalalyq soty osyndai úkim shyǵardy. Muny baspasóz qyzmeti habarlady. Sheneýnikter QR Qylmystyq Kodeksiniń 370-babymen ("Aýyr saldarǵa əkelip soqqan qyzmettegi áreketsizdik") aiyptalǵan. Olar - Shahan qalasynyń əkimi Marat Jaqypov pen onyń orynbasary Əketai Nəjmiden, əkimdik mamany Mariia Jumabekova men Shahtinsk qalalyq əkimdiginiń qyzmetkerleri Almas Omarhanov pen Nurjan Mahmetova. Bul bap boiynsha kúdiktiler 4-ten 8 jylǵa deiin bas bostandyqtarynan aiyrylýy múmkin edi. Sheneýnikter qazandyqty ornatyp, paidalanýda óreskel zańbuzýshylyqtar baryn bile tura, eshbir shara qoldanbaǵan. Alaida, jazanyń jeńildeýine laýazymdy tulǵalardyń kinəlaryn moiyndaýy sebep bolǵan. Is boiynsha japa shegýshiler retinde 11 adam aryzdanǵan.
Eske salsaq, Shahan kentindegi kópqabatty úidiń jertólesindegi qazandyq jańa jyldyń alǵashqy túni atylyp ketken edi. Saldarynan úidiń búkil bir podezi qulap, 9 adam qaza tapty. Onyń úsheýi bala. Tótenshe jaǵdaidan 4 otbasynyń páteri isten shyqsa, taǵy 10 baspana jartylai zaqymdanǵan. Sol kúni jertólede pesh jaqqan adam oqiǵa ornynan izin sýytqan edi. Ot jaǵýshy 3 ai boiy izdeýde bolyp, keiin onyń óli denesi Saran qalasynyń mańynan tabylǵan edi.
