- Qaraǵandy oblysy Shahan kentinde qiraǵan úidi jylý, sý, elektrmen jabdyqtaý júielerin qalpyna keltirý jumystary kúsheitilgen rejimde júrip jatyr, dep habarlaidy óńirlik ákimdiktiń baspasóz qyzmeti.
7 qańtarda apatty úige arnaiy jeke alańǵa qýaty 400 kVt qazandyq ornatylyp, iske qosyldy.
Qazirgi ýaqytta tutynýshylardy jylý júiesine qosý jumystary júrgizilýde. Úidi tolyqtai qosý 8 qańtarda aiaqtalady. Barlyq 4 kireberis elektr jelisine qosyldy. Sý ótkizý jáne kanalizatsiialyq jeliler tekserildi.
4 qańtardan bastap zardap shekkenderge kómek kórsetý qory jumys isteýde. Esepshot ashyldy. Shahan kenti jurtshylyǵy ókilderinen qurylǵan qamqorshylyq keńes ashyldy. Qorǵa qarajat túsip jatyr.
Qor zardap shekken turǵyndardyń shyǵyndaryn óteý boiynsha tólemderdi 9 qańtarda bastaidy. Sondai-aq kentke gýmanitarlyq kómek túsýde.
Búgin QR Májilis depýtattary, «QR qyzyl Jarty ai qoǵamy» filialy, «Shahtinsk q. resýrstyq jastar ortalyǵy», óńir kásipkerleri, Qaraǵandy, Shahtinsk qq. turǵyndary, Astana, Saran qq. eriktileri sharýashylyq taýarlaryn, tósek-oryndar, áielder, erler, balalar kiimderi men aiaq kiimderin, sondai-aq 3 tonna azyq-túlik jiberdi.
.jpeg)