Qaraǵandy oblysynyń sanitarlyq-epidemiologiialyq baqylaý departamenti Shahan kentindegi qarttar úiinde koronavirýs infektsiiasy anyqtalǵan adamdardyń naqty sanyn habarlady. Búgingi tańda olardyń sany 96 adamdy qurady.
Qaraǵandy oblysynyń sanitarlyq epidemiologiialyq baqylaý departamentiniń habarlaýynsha, Shahan kentinde ornalasqan «Qarttar men múgedekterdiń meditsinalyq-áleýmettik mekemesi» KMM-de PTR zertteý nátijeleri boiynsha 96 adamda koronavirýstyq infektsiia anyqtaldy, onyń ishinde 70-i qamqorlyqtaǵy azamattar jáne 26-sy osy mekemeniń qyzmetkerleri.
«Barlyq naýqastar aýrýhanaǵa jatqyzyldy, bailanysta bolǵandar oqshaýlandy jáne meditsinalyq baqylaýda. Aýyr haldegi naýqastar joq. Epidemiiaǵa qarsy qajetti is-sharalar tolyq kólemde júrgizildi. Epidemiologiialyq jaǵdai baqylaýda», - dep habarlady vedomstvonyń baspasóz qyzmeti.
Esterińizge sala keteiik, Qaraǵandy oblysynyń Shahan kentinde koronavirýs infektsiiasyn juqtyrý oqiǵasy tirkelgen bolatyn. Osyǵan bailanysty Shahtinsk qalasynyń bas sanitarlyq dárigeri atalmysh eldi mekende shekteý sharalaryn qatańdatý týraly sheshim qabyldady. Jańa qaýly 2021 jylǵy 6 aqpanda saǵat 00-00-den bastap kúshine enedi.
