Shahan aýylynda úi opyrylǵan kezde kórshiler 11 jastaǵy qyzdy qalai qutqarǵanyn aityp berdi, - dep habarlaidy kaz.tengrinews.kz tilshisi.
Shahan aýylynda qazandyq jarylǵannan keiin, jaralanǵan 11 jastaǵy Lena esimdi qyzdy tórt adam qutqaryp qalǵan, olardyń úsheýiniń jasy 17-18 shamasynda. Nikolai Stolber, Sultan Úmbetov, Andrei Sýrdakov jáne Stas Senkin kórshiles ornalasqan №4 úidiń turǵyndary. Jarylysty estigen olar birden úiinen shyǵyp kómektesýge asyqqan. Shamamen, úshinshi qabattai jerde úiindilerdiń ústinde qyz bala jylap otyrǵan. Ol tym jeńil kiingen, ári beti qan-qan boldy. Burynǵy shahter, 55 jastaǵy Nikolai Stolber qyzdan qozǵala alasyń ba? dep suraǵan. Qyz bolsa, óziniń aiaǵy synǵanyn jáne ózdiginen qozǵala almaitynyn aitqan. Osy kezde Sultan Úmbetov joǵary qarai kóterilgen. Al qalǵandary joǵary qarai sham jaqqan. Sultan qyzdyń janyna jaqyndap, ony kóterip alyp Andrei Sýrdakovqa bergen. Sosyn Nikolai alyp, ary qarai Stas degen kórshisine bergen. Al tómenge jetken kezde qyzdy kólikke otyrǵyzyp, alyp ketken. Birneshe minýttan soń tótenshe jaǵdailar jasaqtary men órt sóndirýshiler kelgen.
"Barlyǵynan góri men Sultan úshin alańdadym, sebebi ol kámelet jasyna tolmaǵan ǵoi. Biraq ol - sportshy ǵoi naǵyz, barlyǵyn da durys istedi. Men Lenanyń besinshi qabatta turǵanyn estigenimde qatty tańǵaldym, sebebi ol eki qabat boiy qulap qalai aman qalǵan?", - dedi Nikolai Stolber.
17 jastaǵy Sultan Úmbetov úiindilerdiń eń joǵarǵy jaǵyna kóterilgen ýaqytta qaýip týraly oilamaǵanyn aitady. Men jáne meniń dosym Andrei Sýrdakovkórshi úide qonaqta bolyp, Jańa jyldy qarsy alyp jatqanbyz. Biz qatty silkinisti sezdik. Sosynbireýler kelip esikti qaǵyp kórshi úide qazandyqtyń jarylǵanyn aitty", deidi Sultan.
Eske salaiyq, 1 qańtarda Shahtinsk qalasyndaǵy Shahan aýylynda keshki ýaqytta turǵyn úidiń bir bóligi opyrylyp, 9 adam qaza tapqan bolatyn. Olardyń úsheýi er adam, úsheýi áiel, taǵy úsheýi balalar eken. Al keiin apattyń aldyn ala sebebi atalǵan edi. Al keiin apattyń aldyn ala sebebi atalǵan edi.
Sondai-aq, osyǵan deiin Shahan aýylynda úidiń qulaýynan qaza tapqandardyń otbasyna million teńgeden bólinetini habarlanǵan bolatyn. "Otbasylaryna qarjylai kómek kórsetý jaiynda. Ákimdik qaza tapqan ár adam úshin million teńgeden jáne 500 myń teńge aýrýhanada jatqan zardap shekkenderge bóledi. Sonymen qatar ákimdik qaza bolǵandardy jerleý rásimin jáne eske alýdy óz moinyna alady", - degen edi oblystyq ákimdiktiń baspasóz qyzmetindegiler.
