Shahanda bolǵan tótenshe jaǵdaidan zardap shekkender demeýshilerdiń esebinen páter ala alady. Bul týraly aýyl ákimi Marat Jaqypov aitty, - dep habarlaidy "Ult aqparat".
"Jerleý rásimi ótkiziledi. Olar qalaǵan páterlerin ózderi tabatyn bolady. Sosyn biz olarǵa sol páterdiń aqshasyn tólep beremiz. 2-3 adam kelip ketti. Jaqyn arada saraptama qorytyndylary shyǵady. Búgin qaita jóndeý jumystary bastaldy. Biz olarǵa páter áperemiz. Olardyń jeke menshigi bolady. Qarajat biýdjetten bólinbeidi, demeýshilik kómek kórsetiledi. Shot ashyldy. Páterler satyp alynatyn bolady", - dedi Shahan aýylynyń ákimi Marat Jaqypov.
Eske sala keteiik, 1 qańtarda Shahtinsk qalasyndaǵy Shahan aýylynda keshki ýaqytta turǵyn úidiń bir bóligi opyrylyp, 9 adam qaza tapqan bolatyn. Olardyń úsheýi er adam, úsheýi áiel, taǵy úsheýi balalar eken. Al keiin apattyń aldyn ala sebebi atalǵan edi. Al keiin apattyń aldyn ala sebebi atalǵan edi.
Sondai-aq, osyǵan deiin Shahan aýylynda úidiń qulaýynan qaza tapqandardyń otbasyna million teńgeden bólinetini habarlanǵan bolatyn. "Otbasylaryna qarjylai kómek kórsetý jaiynda. Ákimdik qaza tapqan ár adam úshin million teńgeden jáne 500 myń teńge aýrýhanada jatqan zardap shekkenderge bóledi. Sonymen qatar ákimdik qaza bolǵandardy jerleý rásimin jáne eske alýdy óz moinyna alady", - degen edi oblystyq ákimdiktiń baspasóz qyzmetindegiler.
Al keshe Shahan kentinde tótenshe jaǵdaidan qaza tapqandar jer qoinyna tapsyrylǵan bolatyn.
.jpeg)